ماڭعىستاۋلىق جاس كاسىپكەر تابيعي تىڭايتقىش وندىرە باستادى

اقتاۋ. قازاقپارات - ماڭعىستاۋ وبلىسىنىڭ مۇنايلى اۋدانىندا جەكە كاسىپكەر گۇلميرا قۇرمانيازوۆا ءارتۇرلى ادىستەردى قولدانىپ، ورگانيكالىق تىڭايتقىش ءتۇرى - كومپوست ءوندىرىپ جاتىر.

بۇل تۋرالى مۇنايلى اۋدانى اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

كومپوست - قازىرگى كەزدە قولجەتىمدى ەڭ جاقسى ورگانيكالىق تىڭايتقىشتاردىڭ ءبىرى. ونىڭ قۇرامىندا وسىمدىكتىڭ دامۋى مەن وسۋىنە قاجەتتى بارلىق مينەرالدار بار. سونداي- اق توپىراقتاعى ىلعالدى ساقتاپ، وسىمدىكتەردى سۋارۋعا جۇمسالاتىن سۋدى 40 پايىزعا دەيىن ازايتادى. وسىمدىكتەردىڭ يممۋندىق جۇيەسىن نىعايتىپ، ءارتۇرلى ۆيرۋستىق اۋرۋلار مەن اعاش زيانكەستەرىنەن قورعايدى.

«جەكە كاسىپكەردىڭ نەگىزگى ماقساتى - ءوڭىردى جاسىل ايماققا اينالدىرىپ، ودان شىققان تابيعي ونىمدەردى پايدالانۋ. كاسىپكەر الداعى ۋاقىتتا تابيعي تىڭايتقىش كومپوست ءونىمىن كوبەيتىپ، باسقۇدىق اۋىلدىق وكرۋگىندە ورنالاسقان ەگىستىك بازارىنداعى كاسىپكەرلەرمەن كەلىسىمشارتقا وتىرىپ، نارىققا شىعارۋدى جوسپارلاپ وتىر»، - دەلىنگەن باسپا ءسوز مالىمەتىندە.

كاسىپكەرگە مۇنايلى اۋدانىنىڭ اكىمدىگى الداعى ۋاقىتتا مەملەكەت گرانتىن ۇتىپ الىپ، كاسىبىن قارجىلاندىرۋعا كەڭەس بەردى.

ايتا كەتەيىك، بۇعان دەيىن قاراقيا تۇرعىنى جەر تىڭايتۋعا ارنالعان كاليفورنيالىق شىلاۋشىن وسىرۋمەن اينالىساتىنىن جازعان ەدىك.

اۆتور

ينديرا ساتەنباي