ەلىمىزدە اۋە كولىگىمەن جولاۋشىلار مەن جۇك تاسىمالىنىڭ ەرەجەسى وزگەردى
وسى ورايدا قۇجاتتىڭ 107-تارماعى جاڭا رەداكسيادا جازىلدى، دەپ حابارلايدى قازاقپارات ءتىلشىسى.
«107. ەگەر جۇك وسى قاعيدالاردىڭ 101 جانە 104-تارماقتارىندا جازىلعان تالاپتارعا سايكەس كەلمەسە، اۋە كومپانياسى ونى تاسىمالداۋعا قابىلداۋدان باس تارتادى»، - دەلىنگەن قۇجاتتا.
سونىمەن قاتار، قۇجاتتا جۇكتى الاتىن ادام اۋە كومپانياسىنان ۇشاق مەجەلى پۋنكتكە كەلگەن، جۇكتى تۇسىرگەن جانە ونى وڭدەگەن ساتتەن باستاپ جۇك پەن جۇك قۇجاتىن بەرۋدى تالاپ ەتەتىنى ناقتىلانعان. جۇكتى تاپسىرۋ اۋە كەمەسى كەلگەن ساتتەن باستاپ 2 ساعاتتان كەشىكتىرىلمەي جۇرگىزىلەدى.
بۇدان بولەك، قۇجاتتىڭ 135-تارماعىندا اۋەجاي اكىمشىلىگى اۋە كولىگى ارقىلى جولاۋشىلاردى، باگاجدى جانە جۇكتەردى تاسىمالداۋ ءتارتىبىن اۋەجايدىڭ رەسمي ينتەرنەت-رەسۋرسىندا ورنالاستىراتىنى ايتىلعان.
وسى بۇيرىق العاشقى رەسمي جاريالانعان مەرزىمنەن كەيىن ون كۇن وتكەن سوڭ قولدانىسقا ەنگىزىلەدى.
