قانات يسلامدى جەڭگەن بوكسشى «قازاقتاردىڭ باسىن جۇلۋعا» ۋادە بەردى

استانا. قازاقپارات - بريتانيالىق بوكسشى دجيممي كەللي قازاقستاندىق بوكسشىلار - گەننادي گولوۆكين جانە جانىبەك الىمحان ۇلىمەن جەكپە-جەك وتكىزگىسى كەلەتىنىن مالىمدەدى، دەپ حابارلايدى Vesti.kz.

كەللي بىلتىر قازاقستاندىق قانات يسلامنان تورەشىلەر شەشىمىمەن باسىم تۇسكەن بولاتىن - 97-93، 96-94، 95-95. بۇل قاناتتىڭ كارەراسىنداعى ءبىرىنشى جەڭىلىس بولدى.

«مەن الەمنىڭ مىقتى بوكسشىلارىنا باسەكەلەس بولا الامىن. جەكە تۇلعا جانە بوكسشى رەتىندە ءوسىپ كەلەمىن، ماعان جانىبەك ءالىمحان ۇلى سياقتى اتى شىققان بوكسشىلار كەرەك. ول باياۋلاپ بارادى، ال مەن كەرىسىنشە، تاعى ءبىر قازاقتىڭ «باسىن جۇلىپ العىم» كەلەدى.

مەنىڭ ماقساتىم - بيىلعا ءبىر ۇلكەن ايقاس، جانىبەكپەن ۇلى بريتانيادا جۇدىرىقتاسۋعا قۋانار ەدىم. ەگەر گولوۆكين ورتا سالماقتا ءبىر ايقاس وتكىزگىسى كەلسە، مەن دايىن. اتى شىققان ءبىر قازاقتى جەڭدىم، ولاردى ارى قاراي ساباي بەرەمىن»، - دەپ بەرەدى كەلليدىڭ ءسوزىن secondsout.com.