11:50, 22 - اقپان 2023 | GMT +5
كاسپي قۇبىر كونسورتسيۋمىندا مۇناي تاسىمالى ەرتەڭ قايتا جاندانادى
استانا. قازاقپارات - كاسپي قۇبىر كونسورتسيۋمى ارقىلى مۇناي ەكسپورتى بەيسەنبى قايتا جاندانباق. دەگەنمەن جاعداي اۋا رايىنا بايلانىستى. بۇل جايىندا ق ر ەنەرگەتيكا ءمينيسترى بولات اقشولاقوۆ ءمالىم ەتتى، دەپ حابارلايدى قازاقپارات ءتىلشىسى.
«كاسپي قۇبىر كونسورتسيۋمىنداعى توتەنشە جاعدايدىڭ قارا تەڭىزدەگى داۋىلدان نە بولىپ جاتقانى بەلگىلى. وبەكتيۆتى تۇردە اۋا رايى قولايسىزدىعى بار، بۇل جاعدايدا مۇناي جونەلتۋ مۇمكىن ەمەس، قاۋىپتى. قازىر ءبىز بەيسەنبىدە ساعات 16:00-دە سينوپتيكتەردىڭ بولجامى بويىنشا قالىپتى اۋا رايى بولادى دەپ كۇتىپ وتىرمىز. بۇل بىزگە تانكەرلەردىڭ سۋ ايماعىنا كىرۋىنە جانە جۇك تيەۋگە مۇمكىندىك بەرەدى. ءبىز رەزەرۆۋار پاركىندە جۇمىس ىستەپ جاتقاندا ءوندىرىس توقتاعان جوق. جونەلتۋ قولايسىز اۋا رايىنا بايلانىستى توقتاپ قالدى»، - دەدى بولات اقشولاقوۆ ۇكىمەت ءۇيىنىڭ كۋلۋارىندا ب ا ق وكىلدەرىنىڭ ساۋالىنا.
ەسكە سالا كەتەيىك، كەشە كاسپي قۇبىر جەلىسى ارقىلى مۇناي تاسىمالداۋ توقتاپ قالعان بولاتىن.
اۆتور
داۋلەت ىزتىلەۋ
