11:10, 22 - اقپان 2023 | GMT +5
شىمكەنتتەگى اتىس: كۇدىكتىنى ۇستاعان پوليتسەيگە سىياقى بەرىلدى
استانا. قازاقپارات – شىمكەنتتە اتىس شىعارعان كۇدىكتىنى دەرەۋ ارەكەت ەتىپ ۇستاعان پوليتسەي ارمان ءارىپجانوۆ ەرلىگى ءۇشىن جالاقىسىنىڭ ەكى ەسەلەنگەن كولەمى سىياقى رەتىندە بەرىلدى، - دەپ حابارلايدى «وتىرار» سايتى.
شىمكەنتتەگى اتىس كەزىندە ارمان وقيعا ورنىنا جاقىن جەردە جۇمىستا بولعان. پوليتسيا كاپيتانى كوشەدە اتىس داۋىسىن ەستىپ، كۇدىكتىنىڭ نازارىن اۋدارىپ، ونى ۇستاپ العان. ءتارتىپ ساقشىلارىنىڭ سوزىنشە، قارۋلانعان كۇدىكتى ارماندى اتىپ جىبەرمەك بولعان.
«ول ۋاقىتتا ارىپتەسىممەن جۇمىستا بەينەباقىلاۋ كامەراسىن قاراپ، ۇرلاۋ دەرەكتەرىن زەرتتەپ جاتقانبىز. اتىستى ەستىپ، بىردەن كوشەگە شىقتىم، ستۋدەنتتەر كوپ ءجۇردى، ولارعا قاشۋ كەرەگىن ايتتىم. ارتىنشا، كۇدىكتىنىڭ ارتىنان ءجۇرىپ، سول ءساتتى پايدالانىپ، پاترۋل كولىگىنىڭ قاسىندا ۇستاپ الدىم. سول كەزدە ول مەنى اتىپ جىبەرمەك بولدى. قورىققان جوقپىن، ءوز جۇمىسىمدى ىستەدىم عوي. باستىسى، كۇدىكتىنىڭ قارۋىن تارتىپ الۋ كەرەك بولدى»، - دەيدى ارمان ءارىپجانوۆ.
massaget.kz
