الەمدە تىرىسقاق ءورشۋى مۇمكىن: قازاقستان جاڭا ەپيدەمياعا دايىن با
ونىڭ ايتۋىنشا، ۆەدومستۆو اۋىز سۋدىڭ دا، اشىق سۋ قويمالارىنداعى سۋدىڭ دا ساپاسىن تۇراقتى نەگىزدە تەكسەرەدى.
«دۇنيەجۇزىلىك دەنساۋلىق ساقتاۋ ۇيىمى تىرىسقاقتىڭ الەمدە تارالۋ قاۋپىن وتە جوعارى دەپ اتادى. ءبىزدىڭ ەلىمىزدە بارلىق اۋىلداردىڭ ورتالىق سۋمەن قامتاماسىز ەتىلمەيتىنىن ەسكەرسەك، وسىنداي قاۋىپ بار ما؟» - دەپ سۇرادى جۋرناليست ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
جۇقپالى اۋرۋلاردى قاداعالاۋ باسقارماسىنىڭ باسشىسى بيىل الەمنىڭ ءبىرقاتار ەلدەرىندە، نەگىزىنەن افريكا ەلدەرى مەن سيريادا تىرىسقاقپەن سىرقاتتانۋدىڭ اسقىنۋى بايقالعانىن راستادى.
«ءبىراق، قازاقستان اۋماعىندا سوڭعى 10 جىل ىشىندە تىرىسقاق اۋرۋى تىركەلگەن جوق. تىرىسقاق - ادامنان ادامعا سۋ ارقىلى تىكەلەي جۇعاتىن اۋرۋ. تۇراقتى نەگىزدە اۋىز سۋدىڭ دا، اشىق سۋ قويمالارىنداعى سۋدىڭ دا ساپاسىنا باقىلاۋ جۇرگىزىلەدى. اشىق سۋ ايدىندارىندا قوزدىرعىشتاردىڭ، ونىڭ ىشىندە تىرىسقاقتىڭ بولۋ- بولماۋى ۇنەمى زەرتتەلەدى. بۇگىنگى تاڭدا وسى زەرتتەۋلەردىڭ ناتيجەلەرى بويىنشا ءبىزدىڭ ەلدە تىرىسقاق اۋرۋى تاراۋى مۇمكىن دەگەن قاۋىپ جوق»، - دەپ ءتۇسىندىردى روزا قوجاپوۆا.
سوعان قاراماستان، ءبىرقاتار ەلدەردە تىرىسقاق اۋرۋى تىركەلگەنىن ەسكەرە وتىرىپ، مەملەكەتتىك شەكارادا ەلگە كەلگەن ازاماتتاردى باقىلاۋ، تەكسەرۋ جۇرگىزىلەدى.
«ول ادامداردان اۋرۋ تابىلسا، بىردەن وقشاۋلانادى. مەديتسينالىق كومەككە جۇگىنگەن ادامداردىڭ اۋرۋ تاريحى ناقتىلانادى. ەگەر ادامدار شەتەلدەن كەلسە جانە ولاردا ۇقساس اۋرۋ بايقالسا، ەپيدەمياعا قارسى شارالار جۇرگىزىلىپ، وقشاۋلانادى. الايدا، بۇگىنگى تاڭدا اشىق سۋ قويمالارىن زەرتتەۋ ناتيجەلەرى بويىنشا جاعداي تىنىش» ، - دەپ تولىقتىردى دارىگەر.
بۇعان دەيىن دارىگەرلەر اكتسيا بويىنشا جارامدىلىق مەرزىمى وتكەن ونىمدەردى ساتۋ ماسەلەسىن كوتەرگەن ەدى.
