كولىك جىلدامدىعى جوعارى بولعان سايىن، ايىپپۇل سوماسى دا ارتادى

استانا. قازاقپارات - كولىك جىلدامدىعىن بەلگىلەنگەن مەجەدەن بىرنەشە ەسە ارتتىرعاندارعا سالىناتىن ايىپپۇل سوماسى وسەدى.

بۇل تۋرالى ادىلەت مينيسترلىگى اشىق تالقىعا شىعارعان «ق ر اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا جازىلعان، دەپ حابارلايدى قازاقپارات ءتىلشىسى.

«كولىك قۇرالى قوزعالىسىنىڭ بەلگىلەنگەن جىلدامدىعىن (60 ك م/س ا ع) قوسىمشا 40-80 كيلومەترگە ارتتىرۋ 20 ايلىق ەسەپتىك كورسەتكىش (69000 تەڭگە) مولشەرىندە ايىپپۇل سالۋعا اكەپ سوعادى. ال بەلگىلەنگەن جىلدامدىقتان 80 جانە ودان استام شاماعا ارتتىرۋ 40 ا ە ك (138000 تەڭگە) مولشەرىندە ايىپپۇلمەن جازالانادى. اكىمشىلىك جازا قولدانىلعاننان كەيىن 1 جىل ىشىندە قايتالاپ جاسالعان ءىس- ارەكەتتەر ءۇشىن 60 ا ە ك (207000 تەڭگە) مولشەرىندە ايىپپۇل سالىنادى»، - دەپ كورسەتىلگەن جاڭا رەداكسيادا.

ادىلەت مينسترلىگى جاريالاعان تۇسىندىرمە قۇجاتتا سوڭعى ەكى ايدا ەلوردادا جوعارى جىلدامدىقپەن جۇيىتكىگەن كولىكتەردىڭ جيىلەگەنى جازىلعان.

«جىلدامدىقتى ارتتىرۋ - جول- كولىك وقيعالارىنىڭ نەگىزگى سەبەبى. سونىمەن قاتار رۇقسات ەتىلگەن جىلدامدىق بىرنەشە ەسە اساتىن فاكتىلەر ءجيى كەزدەسەدى. مىسالى، تەك سوڭعى ەكى ايدا استانا قالاسىندا كامەرالار 160 ك م/س ا ع جىلدامدىقپەن جۇرگەن - 14, 180 ك م/س ا ع جىلدامدىقپەن جۇرگەن 4 فاكتىنى تىركەدى. وسىعان بايلانىستى رۇقسات ەتىلگەن جىلدامدىقتى ەداۋىر اسىرعان تۇلعالارعا جاۋاپكەرشىلىكتى قاراستىرۋ ۇسىنىلادى. سونداي- اق مۇنداي ارەكەتتەر قاساقانا جاسالاتىنىن قوسا كەتۋ كەرەك»، - دەپ تۇسىندىرمە بەرىلگەن قۇجاتقا.

ايتا كەتەيىك، قولدانىستاعى زاڭعا ساي، ساعاتىنا 100 ك م جانە ودان جوعارى جىلدامدىقپەن تىركەلگەن كولىك جۇرگىزۋشىلەرىنىڭ بارلىعىنا 20 ا ە ك (69000 تەڭگە) ايىپپۇل سالىنادى. ال ۇسىنىلىپ وتىرعان رەداكسيادا جىلدامدىق جوعارى بولعان سايىن، سالىناتىن ايپپۇل سوماسى دا وسەتىنى كورسەتىلگەن.

قۇجات 13-ناۋرىزعا دەيىن كوپشىلىك تالقىلاۋدا بولادى.