مەملەكەتكە تاركىلەنگەن مۇلىكتەر قالاي ساتىلادى
ۆەدومستۆو مالىمەتىنشە، تاركىلەنگەن مۇلىكتى مەملەكەتتىك ورگانداردىڭ بالانسىنا وتكىزۋ ءراسىمىنىڭ جاڭا ادىستەرى ازىرلەنگەن. بۇرىنعى قولدانىستاعى تاجىريبە ۇكىمدەردى ورىنداۋ كەزىندە اۋرە-سارساڭعا، ال كەيبىر جاعدايلاردا قىلمىستىق قۇقىق بۇزۋشىلىقتار جاساۋعا دا جول بەرگەن.
مىسالى، 2020-جىلعى پاندەميا كەزىندە كولىك پروكۋرورلارى قۇنى 140 ميلليون تەڭگەلىك 60 مىڭ دانادان اسا مەديتسينالىق ماقساتتاعى جەكە قورعانىس قۇرالدارىن (كومبينيزونداردى) ق ح ر گونكونگ قالاسىنا اكەتۋ ارەكەتىن توقتاتقان.
سول جىلى سوت ۇكىمىمەن ولار مەملەكەت كىرىسىنە تاركىلەندى. ءبىراق بۇل كومبينەزوندار جۇقپالى اۋرۋلار دارىگەرلەرىنە وتە قاجەت بولعانىنا قاراماستان، ولاردى تەز ارادا بەرۋ مۇمكىندىگى بولماعان. دارىگەرلەر ولاردى تەك 2021-جىلدىڭ سوڭىندا العان.
«بۇعان قولدانىستاعى زاڭنامانىڭ جەتىلمەگەندىگى سەبەپ بولدى، بۇل ولاردى دەنساۋلىق ساقتاۋ مەكەمەلەرىنە تىكەلەي بەرۋگە مۇمكىندىك بەرمەدى. كولىك پروكۋراتۋراسىنىڭ باستاماسىمەن بۇل مەحانيزم قايتا قارالىپ، ءتيىستى تۇزەتۋلەر 2022-جىلدىڭ قازانىنان باستاپ قولدانىسقا ەنگىزىلدى. باسقا جاعدايدا، زاڭنامانىڭ وقىلىقتارىن قاسكۇنەمدەر پايدالانىپ، ولار 200 ميلليون تەڭگەدەن استام سوماعا بايىعان»، - دەلىنگەن حابارلامادا.
بۇعان دەيىن مەملەكەتتىك مۇلىك دەپارتامەنتى قاتىسۋشى-مەملەكەتتىك ورگان ەلەكتروندىق پورتالعا سالعان قۇجاتتاردىڭ كوشىرمەلەرى بويىنشا عانا تاۋاردى بەرۋ تۋرالى شەشىم قابىلداعان. ەندى ولار وزدەرىنىڭ وتىنىمدەرى مەن ەكونوميكالىق نىساندىلىعىن جوعارى تۇرعان ورگانمەن ەلەكتروندىق قۇجات اينالىمى جۇيەسى ارقىلى راستاۋعا ءتيىس.
تاركىلەۋ زاتتارى كوبىنەسە نارىقتىق قۇنىنان تومەن ساتىلاتىندىقتان، ەلەكتروندىق ساۋدا-ساتتىق ارقىلى جەكە تۇلعالارعا ساتۋ تەتىگىن قايتا قاراۋ بويىنشا جۇمىس باستالدى. ونىڭ نەگىزى، «مەملەكەتتىك مۇلىك ءتىزىلىمى» ۆ ە ب- پورتالىنىڭ ساتۋ الاڭىنداعى «تانىمسىزدىعى».
قىزمەتتى جاقسارتۋدىڭ نىسانى رەتىندە Kolesa.kz ،Krisha.kz جانە OLX سياقتى تانىمال ينتەرنەت-رەسۋرستارمەن ءوزارا ارەكەتتەسۋ ماسەلەسى قارالىپ جاتىر.
