داۋلات ەشكەيەۆ استانا اكىمى اپپاراتىنىڭ باسشىسى بولدى

استانا. قازاقپارات - استانا قالاسى اكىمى اپپاراتىنىڭ باسشىسى بولىپ داۋلات ەشكەيەۆ تاعايىندالدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

ەشكەيەۆ داۋلات زات ۇلى 1975 -جىلى قاراعاندى قالاسىندا تۋعان. 1996 -جىلى قاراعاندى مەملەكەتتىك ۋنيۆەرسيتەتىن (ەكونوميست)، 2000-جانە 2014 -جىلدارى - قازتۇتىنۋوداعى قاراعاندى ەكونوميكا ۋنيۆەرسيتەتىن (زاڭگەر، ەكونوميكا عىلىمدارىنىڭ ماگيسترى) اياقتاعان.

1999-2007 -جىلدار ارالىعىندا قاراعاندى وبلىسىنىڭ كەدەن ورگاندارىندا ءارتۇرلى لاۋازىمدا قىزمەت اتقاردى.

2007-2023 -جىلدار ارالىعىندا قاراعاندى وبلىسى اكىمى اپپاراتىنىڭ بولىمدەرىن باسقارعان. قاراعاندى قالاسى قازىبەك بي اتىنداعى اۋدان اكىمىنىڭ ورىنباسارى، قاراعاندى وبلىسى اكىمى اپپاراتىنىڭ باسشىسى بولدى.

2023 -جىلدىڭ 17-اقپانىندا استانا قالاسى اكىمى اپپاراتىنىڭ باسشىسى بولىپ تاعايىندالدى.