قازاق تىلىندە ءبىلىم بەرەتىن بالاباقشالارعا سۇرانىس وسۋدە - مينيسترلىك

بۇل تۋرالى وقۋ- اعارتۋ مينيسترلىگىنىڭ «بالالاردى ەرتە دامىتۋ ينستيتۋتى» ر م م ديرەكتورى مانارا اداموۆا ايتتى، دەپ حابارلايدى قازاقپارات.

مينيسترلىك مادىمەتىنە قاراعاندا، قازاقستاندا 11 مىڭ 104 مەكتەپكە دەيىنگى ۇيىمدا 1,1 ميلليوننان استام بالا قامتىلىپ وتىر. سونىڭ اراسىندا بالاباقشالاردىڭ 70 پايىزعا جۋىعى قازاق تىلىندە وقىتىپ جاتىر.

قالعان 30 پايىزى ارالاس بالاباقشا بولىپ سانالادى.

«بالاباقشالاردا قازاق تىلىندە ءبىلىم الۋعا قاتىستى سۇرانىس ارتىپ كەلەدى. اسىرەسە، جاس اتا- انالار جاعىنان سۇرانىس كوبەيىپ كەلەدى. 2022 -جىلى جاڭا وقۋ باعدارلاماسى ەنگىزىلگەن ەدى. وندا ءار جاستاعى توپتارعا ارنالعان ءتيىستى نورما ەسكەرىلگەن»، - دەدى م. اداموۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا

ق ر وقۋ- اعارتۋ مينيسترلىگىنىڭ مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلدايەۆا بىلتىر اشىلعان بالاباقشالاردىڭ 98 پايىزى قازاق تىلىندە ءبىلىم بەرىپ جاتقانىن ايتتى،

«وسى ورايدا قازاق تىلىندە وقىتاتىن ءبىلىم بەرۋ ۇيىمدارىنا سۇرانىس ارتىپ كەلەدى. ەگەر بالا كىشكەنتايىنان قازاق تىلىندەگى سوزدەردى مەڭگەرە باستاسا، وندا ول وتباسىنداعى باسقا دا ادامدارعا ىقپال ەتەتىنى بەلگىلى»، - دەدى دەپارتامەنت باسشىسى.

بۇدان بۇرىن حابارلانعانداي، مەكتەپكە دەيىنگى ءبىلىم بەرۋ ۇيىمدارىندا 97408 پەداگوگ جۇمىس ىستەپ ءجۇر. ونىڭ ىشىندە اۋىلداردا 41596 (%42,7)، ال قالادا 55811 (%57,3) ادام قامتىلعان.

ەلىمىزدەگى مەكتەپكە دەيىنگى ۇيىمداردىڭ 70 پايىزعا جۋىعى قازاق تىلىندە ءبىلىم بەرىپ جاتىر.

كەيىنگى 4 جىلدا بالاباقشا كەزەگىندە تۇرعاندار سانى ەكى ەسەگە ازايدى.