رەسەيدىڭ اسكەري وقۋ ورنىندا وقىپ جۇرگەن قازاقستاندىق كۋرسانت كوز جۇمدى

استانا. قازاقپارات - قازاقستاننىڭ ىشكى ىستەر مينيسترلىگى رەسەي فەدەراتسياسى ۇلتتىق ۇلانى ساراتوۆ اسكەري ينستيتۋتىندا وقىعان كۋرسانتتىڭ ءولىمى بويىنشا مالىمەت تاراتتى، دەپ حابارلايدى قازاقپارات.

19- اقپاندا رەسەي فەدەراتسياسى ۇلتتىق ۇلانى اسكەرلەرىنىڭ ساراتوۆ اسكەري ينستيتۋتىندا قازاقستان رەسپۋبليكاسى ۇلتتىق ۇلانى اسكەري قىزمەتشىسىنىڭ 3-كۋرس كۋرسانتى قازا تاپتى.

ول 2020-جىلى «ارىستان» مامانداندىرىلعان ليتسەيىن بىتىرگەننەن كەيىن ىرىكتەۋدەن ءوتىپ، «ۇلتتىق قاۋىپسىزدىكتى قۇقىقتىق قامتاماسىز ەتۋ» ماماندىعى بويىنشا وقۋ ءۇشىن رەسەي فەدەراتسياسى ۇلتتىق ۇلان اسكەرلەرىنىڭ اسكەري ينستيتۋتىنا جىبەرىلگەن بولاتىن.

ق ر ۇلتتىق ۇلان اكادەمياسىنىڭ قولباسشىلىعى اسكەري قىزمەتشىنىڭ قازا بولۋىنا بايلانىستى تۋىستارى مەن جاقىندارىنا كوڭىل ايتادى.