كامەلەتكە تولماعاندارعا ءتولقۇجات بەرىلگەنى ءۇشىن باج سالىعى قىسقارۋى مۇمكىن
سەناتتىڭ قارجى جانە بيۋجەت كوميتەتىنىڭ دەپۋتاتتارى كەڭەيتىلگەن وتىرىستا «سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) جانە «سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى.
زاڭ جوباسىندا سوتقا جۇگىنەتىن كەزدە بورىشكەر ءۇشىن 0,3 ا ە ك مولشەرىندە مەملەكەتتىك باج مولشەرلەمەسى بەلگىلەنگەن جانە جەكە ادامنىڭ تولەم قابىلەتتىلىگىن قالپىنا كەلتىرۋ، سوتتان تىس نەمەسە سوت ارقىلى بانكروتتىق راسىمدەرىن قولدانۋ ءۇشىن سوتقا جۇگىنگەن كەزدە ءوسىمپۇلدى ەسەپتەۋدى توقتاتا تۇرۋ جانە سوتتىڭ تەرىس شەشىمى بولعان كەزدە ونى قايتا جاڭارتۋ كوزدەلىپ وتىر.
قۇجاتتا سونداي-اق كامەلەتكە تولماعاندارعا ءتولقۇجات بەرگەنى ءۇشىن مەملەكەتتىك باجدى 8 ا ە ك- تەن 4 ا ە ك- كە دەيىن تومەندەتۋ ۇسىنىلادى. زاڭ جوباسىندا سونىمەن قاتار مەملەكەتتىك ورمان قورى جەرلەرىن جانە ەرەكشە قورعالاتىن تابيعي اۋماقتار جەرلەرىن قوسپاعاندا، بارلىق ساناتتاعى جەردىڭ وسىمدىكتەر دۇنيەسىن پايدالانعانى ءۇشىن تولەماقى ەنگىزۋ كوزدەلەدى.
