وسكەمەن- التاي تاسجولىنداعى جيرەن ءتۇستى بۇلتقا قاتىستى تەكسەرۋ جۇرگىزىلدى

وسكەمەن. قازاقپارات - شىعىس قازاقستان وبلىسىنداعى «وسكەمەن- التاي» تاسجولىنداعى «جيرەن» ءتۇستى بۇلتقا قاتىستى تەكسەرۋ جۇرگىزىلدى، دەپ حابارلايدى قازاقپارات ءتىلشىسى.

كەشەلى بەرى الەۋمەتتىك جەلىدە «وسكەمەن- التاي» تاسجولىنداعى جيرەن ءتۇستى بۇلتتىڭ ۆيدەوسى تاراپ جاتىر. ش ق و ەكولوگيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اتالعان فاكتىگە وراي تەكسەرۋ جۇرگىزىلدى.

«19- اقپاندا سول ماڭداعى ساجايەۆ كەن ورنىندا تاۋ- كەن جۇمىستارىن جۇرگىزۋگە ارنالعان جوبالىق قۇجاتتاماداعا سايكەس، جوسپارلى جارىلىس جۇمىستارى جۇرگىزىلگەنى بەلگىلى بولدى. بۇل سودان شىققان شاڭ»، - دەلىنگەن اقپاراتتا.

ۆەدومستۆو دەرەگىنشە، وتكەن جىلدىڭ جەلتوقسان ايىندا دا التاي اۋدانى بۇقتىرما اۋىلىنىڭ ۇستىندەگى «قىزعىلت سارى» بۇلت كوپتىڭ نارازىلىعىن تۋعىزعان بولاتىن.

سول كەزدە «بۇقتىرما سەمەنت كومپانياسى» ج ش س- نە قاتىستى جوسپاردان تىس ەكولوگيالىق تەكسەرۋ جۇرگىزىلدى. سوندا دا وسىنداي بۇلتتىڭ جارىلىستان پايدا بولعانى انىقتالعان ەدى.

اۆتور

تالعاتجان مۇحامەتبەك ۇلى