قازاقستاندا قانشا ەلەكتروموبيل بار
ياعني، ەلەكتروموبيلدەر وتاندىق اۆتوتۇراقتاردىڭ 0,02 پايىز قۇرايدى، دەپ حابارلايدى قازاقپارات Finprom.kz رەسۋرسىنا سىلتەمە جاساپ.
بيىل جىل باسىندا قازاقستاندا ارالاس جانار- جاعارمايمەن جۇرەتىن 322,4 مىڭ جەڭىل اۆتوكولىك بولدى. بۇل وتكەن جىلمەن سالىستىرعاندا 8,5 پايىز ارتىق. مۇنداي اۆتوموبيلدەردىڭ ەلىمىزدەگى جالپى ۇلەسى - 8,2 پايىز.
كولىك جاساۋشىلاردىڭ ايتۋىنشا، گيبريدتى اۆتوموبيلدەردىڭ اۋانى لاستاۋ كورسەتكىشى جوعارى.
تاۋەلسىز توپتار جۇرگىزگەن سىناق راستاعانداي، گيبريدتى تيپتەگى كولىكتەر زەرتحانالىق مالىمەتتەرگە قاراعاندا جانار-جاعارمايدى كوبىرەك تۇتىنادى.
ارالاس جانار-جاعارمايمەن جۇرەتىن جەڭىل كولىكتەردىڭ باسىم بولىگى ماڭعىستاۋ وبلىسىندا تىركەلدى. اتالعان وڭىردە 74,3 مىڭ اۆتو بار. بۇل وتكەن جىلمەن سالىستىرعاندا 3,6 پايىز ارتىق.
ەكىنشى جانە ءۇشىنشى ورىندا اقتوبە (35,8 مىڭ، 6,4 پايىز ارتىق) جانە تۇركىستان (23,1 مىڭ، 27,7 پايىز ارتىق) وبلىسى ورنالاسقان.
ال مۇنداي كولىكتەر بويىنشا ازشىلىق ۇلىتاۋ (بارلىعى 229)، اباي (295) جانە جەتىسۋ (409) وبلىستارىنا تيەسىلى. جاعداي اتالعان وبلىستاردىڭ جاقىندا قالىپتاسۋىمەن تۇسىندىرىلەدى.
ەڭ كوپ ەلەكتروموبيل الماتى قالاسىندا تىركەلگەن. قازىر قالادا 420 اۆتو بار، ال وتكەن جىلدىڭ باسىندا 43 عانا اۆتوكولىك بولعان.
ەكىنشى قاتاردا 108 اۆتوكولىكپەن س ق و ورنالاسقان. كوشباسشىلاردىڭ ۇشتىگىن ەلوردا جاۋىپ وتىر، بيىل 61 اۆتوموبيل تىركەلگەن، ءبىر جىل بۇرىن 35 بولعان.
Bureau of Transportation Statistics سوڭعى مالىمەتتەرى بويىنشا، 2021 -جىلى الەمدە بەنزينمەن جۇمىس ىستەيتىن 799 مىڭ جاڭا گيبريدتى جەڭىل اۆتوموبيلدەر ساتىلدى. بۇل وتكەن جىلمەن سالىستىرعاندا 75,6 پايىز كوپ.
قوسىلاتىن ءمودۋلى بار گيبريدتى ەلەكتروموبيلدەردىڭ 173,5 مىڭ داناسى ساتىلدى. جىلدىق ءوسىم - 2,5 ەسە.
ەلەكتروموبيل ساتىلىمى 459,4 مىڭعا دەيىن ارتىپ، الدىڭعى جىلمەن سالىستىرعاندا 92,6 پايىز ءوستى.
Heycar مالىمەتتەرى بويىنشا، وتكەن جىلى ەلەكتروموبيلدەر ساتىلىمى 40 پايىز ءوستى. ءاربىر ونىنشى جاڭا كولىك ەلەكترلى بولدى.
جاڭا Tesla Model Y كولىگى 2021 -جىلى كوشباسشى بولعان Tesla Model-3-تەن كەيىن بىلتىر ەڭ كوپ ساتىلاتىن ەلەكتروموبيل اتاندى. جالپى العاندا، وتكەن جىلى الەم بويىنشا 1,6 ميلليون جاڭا كولىك تىركەلدى.
كورسەتكىشتى 2021 -جىلمەن سالىستىرساق، 2 پايىز از. وعان سەبەپ اۆتوونەركاسىپ سالاسىنا پاندەميانىڭ تيگىزگەن تەرىس اسەرى جانە جارتىلاي وتكىزگىش ميكروسحەمانىڭ جاھاندىق جەتىسپەۋشىلىگى.
