جەتپىس مەتر بيىكتەن قۇلاعان تۋريست تاڭعاجايىپ جاعدايدا امان قالدى
وقيعا پحۋ تحاپ بۋرك ساياباعىنىڭ تاماشالاۋ الاڭىندا بولعان - بۇل ازيالىق تۋريستەردىڭ سۇيىكتى تابيعي كورنەكى ورنى. ەسىمى اتالماعان، جەرگىلىكتى ساياحاتشى جانىندا تۇرعان جاسوسپىرىمگە كوركەم فوندا سۋرەتكە ءتۇسىرۋىن وتىنگەن: ەر ادام لايىقتى جەردە ىزدەپ جۇرگەندە اياعى تايىپ كەتىپ، 70 مەتر بيىكتەگى جارتاستان قۇلاعان.
وقيعانىڭ كۋاگەرلەرى دەرەۋ قۇتقارۋشىلارعا حابارلاعان. بۇل ايماقتا قوزعالۋ قيىن بولعانىنا قاراماستان، جەدەل ارەكەت ەتۋ ماماندارى ەر ادامنىڭ قۇلاعان جەرىنە تەز جەتكەن. ولار كورگەندەرىنە سەنبەي قالعان، تۋريست ەشبىر اۋىر جاراقات الماعان. بولجاممەن ەر ادامدى بانان جاپىراقتارى مەن قالىڭ ءشوپ امان الىپ قالعان. زارداپ شەككەن ادامعا العاشقى كومەك كورسەتىلىپ، اۋرۋحانا جەتكىزىلگەن.
