08:27, 21 - اقپان 2023 | GMT +5
الماتى - كوكپەك - كوكتال - قورعاس تاسجولىن سۋى شايىپ كەتە جازدادى
استانا. قازاقپارات - جول ماماندارى قۇمنان بوگەت جاساپ، ەرىگەن قار سۋىن بۇرۋ جۇمىستارىن جۇرگىزۋ ناتيجەسىندە رەسپۋبليكالىق اۆتوجولدىڭ ەكى جەردە شايىلىپ كەتۋ قاۋپىن الدىن الدى،
دەپ حابارلايدى قازاقپارات رەسپۋبليكالىق ماڭىزى بار اۆتوموبيل جولدارىنىڭ ۇلتتىق وپەراتورىنا سىلتەمە جاساپ.
وپەراتوردىڭ حابارلاۋىنشا، قالىپتاسقان جاعداي «الماتى - كوكپەك - كوكتال - قورعاس» تاسجولىنىڭ 139 جانە 142 شاقىرىمدارىنا قاتىستى بولىپ وتىر. قازىر ەرىگەن قار سۋى كوپىردىڭ استىمەن وتۋدە.
ەرىگەن قار سۋى كۇننىڭ جىلىنىپ، تاۋ بوكتەرىندەگى قاردىڭ تەز ەرۋىنە بايلانىستى پايدا بولدى.
«قازىر جاعداي تۇراقتى. ۋچاسكەلەردە ارنايى تەحنيكا جۇمىس ىستەپ جاتىر، قاجەت جول بەلگىلەرى ورناتىلدى. جول قوزعالىسىنا ەنگىزىلگەن شەكتەۋلەر جوق. تاسجول تاۋلىك بويى «قازاۆتوجول» ۇ ك» ا ق الماتى وبلىستىق فيليالىنىڭ ەرەكشە باقىلاۋىندا بولادى»، - دەلىنگەن حابارلامادا.
