بورانعا بايلانىستى استانادان شىعاتىن تراسسا جابىلدى

استانا. قازاقپارات - اۋا رايىنىڭ بۇزىلۋىنا بايلانىستى استانادان شىعاتىن تراسسا جابىلدى، دەپ حابارلايدى قازاقپارات قازاۆتوجول- عا سىلتەمە جاساپ.

بۇگىن ساعات 18.30 دان باستاپ قالىڭ قار، بوران جانە جولدىڭ ناشار كورىنۋىنە بايلانىستى «استانا- پەتروپاۆل» تاسجولىنىڭ استانا قالاسىنان شۋچە قالاسىنا دەيىنگى ارالىعىندا (تراسسانىڭ 18-231 شاقىرىمى) كولىكتىڭ بارلىق ءتۇرى ءۇشىن قوزعالىسقا تىيىم سالىندى.

سونداي- اق «قازگيدرومەت» رمك مالىمەتىنشە، 21-اقپاندا استانادا تۇندە جانە تاڭەرتەڭ جاياۋ بۇرقاسىن سوعىپ، كوكتايعاق بولادى.