21:41, 20 - اقپان 2023 | GMT +5
شىمكەنتتە ەر ادام قارۋ-جاراق دۇكەنىنە شابۋىل جاسادى، كۇزەتشى جارالاندى
شىمكەنت. قازاقپارات - شىمكەنتتە قارۋ ۇستاعان ەر ادام قارۋ-جاراق دۇكەنىنە شابۋىل جاسادى. ءبىر ادام جاراقات الدى، دەپ حابارلايدى قازاقپارات.
«بۇگىن ساعات 14:40 شاماسىندا يليايەۆ-رىسقۇلبەكوۆ كوشەلەرىنىڭ قيىلىسىندا ورنالاسقان قارۋ-جاراق دۇكەنىندە دابىل تۇيمەسى ىسكە قوسىلدى.
وقيعا ورنىنا بىردەن قاۋىپسىزدىك اگەنتتىگىنىڭ قىزمەتكەرلەرى كەلدى. كۇزەتشىلەر مەن قارۋلانعان بەلگىسىز ادام اراسىندا اتىس بولدى.
كۇزەتشىنىڭ ءبىرى جارالاندى.
قارۋلى ادامدى پاترۋلدىك پوليتسەيلەر مەن تۇران اۋداندىق پوليتسيا ءبولىمى كريمينالدىق پوليتسياسىنىڭ جەدەل ۋاكىلدەرى ۇستادى»، - دەلىنگەن پوليتسيا مالىمەتىندە.
بەلگىلى بولعانداي، ەر ادام وزبەكستان ازاماتى. شىمكەنتتە جالدامالى پاتەردە تۇرادى.
«ودان شولاق مىلتىق جانە ۇرلانعان سايگا كارابينى تاركىلەندى. قازىر وقيعا ورنىندا جەدەل-تەرگەۋ توبى جۇمىس ىستەپ جاتىر. وقيعانىڭ بارلىق ءمان-جايى انىقتالىپ جاتىر»، - دەلىنگەن حابارلامادا.
