اتىراۋدا باقىتگۇل حامەنوۆانىڭ ءىسى قايتا قارالىپ جاتىر
بۇل تۋرالى باقىتگۇل حامەنوۆانىڭ ءسىڭلىسى اينۇر حامەنوۆا Facebook-پاراقشاسىندا ايتتى.
«وبلىستىق سوتتا ادىلدىك ءۇشىن كۇرەستى جالعاستىرامىز. اللا جار بولسىن! تورەلىك ءادىل بولسىن!»، - دەيدى اينۇر حامەنوۆا.
ەسكە سالا كەتسەك، اتىراۋ وبلىسى اكىمىنىڭ ورىنباسارى قىزمەتىن اتقارعان باقىتگۇل حامەنوۆا مەن اتىراۋ وبلىستىق مادەنيەت باسقارماسىنىڭ بۇرىنعى باسشىسى اقىلبەك رىسقاليەۆ اتىراۋ قالاسىندا اباي ەسكەرتكىشىن ورناتۋ بويىنشا 145 ميلليون تەڭگە سوماسىنا «مەملەكەتتىك ساتىپ الۋ شارتىن جاساعانى ءۇشىن ادامدار توبىمەن الدىن الا ءسوز بايلاسۋ ارقىلى ج ش س باسشىسىنان 4,5 ميلليون تەڭگە پارا الدى» دەگەن كۇدىككە ىلىنگەن ەدى.
كەيىن سوت ۇكىمىمەن باقىتگۇل حامەنوۆا كىنالى دەپ تانىلىپ، 7 جىلعا باس بوستاندىعىنان ايىرىلدى. كامەلەتكە تولماعان بالالارىنىڭ بولۋىنا بايلانىستى، جازاسىن وتەۋ مەرزىمى 3 جىلعا كەيىنگە شەگەرىلگەن ەدى.
