وتكەن جىلى قوس ازاماتتىعى بار قانشا ادام ەلدەن قۋىلدى
بۇل تۋرالى ىشكى ىستەر مينيسترلىگىندە وتكەن ونلاين-بريفينگىدە ۆەدومستۆو وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.
«وتكەن جىلى قوس ازاماتتىعى ءۇشىن 841 ادام اكىمشىلىك جاۋاپكەرشىلىككە تارتىلدى. سوتتاردىڭ شەشىمىمەن 138 ادام ەلدەن شىعارىلدى، قالعاندارىنا ايىپپۇل سالىندى. سوڭعى 5 جىلدا ازاماتتىق تۋرالى زاڭنامانى بۇزعان 3515 ادام جاۋاپقا تارتىلدى. ونىڭ 3 مىڭنان استامىنا ايىپپۇل سالىندى، 473 ءى ەلدەن شىعارىلدى. بارلىعىنىڭ قازاقستاندىق ازاماتتىعى جويىلدى»، - دەپ توقتالدى شۇعىلا تۇرلىبەك.
بيىل ءوزىنىڭ ازاماتتاعىن جاسىرىپ، وزگە ەلدىڭ كۋالىگىن العىسى كەلەتىندەر ءۇشىن جاۋاپكەرشىلىكتى كۇشەيتۋ جوسپارلانىپ وتىر.
اتاپ ايتقاندا، زاڭنامالىق اكتىلەرگە تۇزەتۋلەر ەنگىزىلمەك.
ايتا كەتەيىك، ءقازىر قوس ازاماتتىعى بار ەكەنىن جاسىرعانى ءۇشىن زاڭ بۇزۋشىعا 200 ا ە ك- كە دەيىن ايىپپۇل سالىنادى نەمەسە قازاقستان اۋماعىنان شىعارىلادى.
