ەلوردادا سينتەتيكالىق ەسىرتكى جەتكىزۋدىڭ ءىرى ارناسى جويىلدى
كۇمىسبەكوۆ كوشەسىندەگى ءۇيىنىڭ جانىنان Range Rover اۆتوكولىگىنىڭ جۇك سالعىشىندا كۇشتى سينتەتيكالىق ەسىرتكى زاتى - مەفەدروننىڭ ەكى پاكەتىن تاسىمالداپ كەلە جاتقان 35 جاستاعى جەرگىلىكتى تۇرعىن ۇستالدى.
تەرگەۋ انىقتاعانداي، ۇستالعان ازامات ەسىرتكىنى الماتىدان ساتىپ الىپ، كولىكپەن استاناعا جونەلتىپ، ءوزى ەلورداعا ۇشاقپەن ورالعان. ءارى قاراي ول ەسىرتكىنى ءبىر كەلىدەن ءبولىپ، كوكشەتاۋ، پەتروپاۆل جانە پاۆلودار قالالارىندا ءىرى مولشەردە كوتەرمە ساۋدا ءۇشىن جاسىرىپ كەتۋدى جوسپارلاعان. كۇدىكتى ەسىرتكىنى وراپ-ءتۇيۋ ءۇشىن تاسىمالداۋ بارىسىندا ۇستالدى. ۇستالعاننىڭ پاتەرىن ءتىنتۋ كەزىندە ەكى كەلى گاشيش، ءبىر ميلليوننان ارتىق تەڭگە، سونداي-اق ەلەكتروندى تارازىلار مەن بۋىپ-تۇيۋگە ارنالعان ماتەريالدار الىندى.
ىشكى ىستەر مينيسترلىگىندە اتاپ وتكەندەي، تاركىلەنگەن ەسىرتكىنىڭ سالماعى اسا ءىرى مولشەرگە جاتادى. ولاردىڭ اينالىمى ءۇشىن جازا مۇلكى تاركىلەنىپ، 15 جىلعا دەيىن باس بوستاندىعىنان ايىرۋدى كوزدەيدى.
قازىرگى ۋاقىتتا ىزدەستىرۋ شارالارى جالعاسۋدا، ۇستالعان ازاماتتىڭ قىلمىستىق بايلانىستارى انىقتالۋدا.
