قىلمىس جاساعان ءاربىر ەكىنشى جاس ءوسپىرىم وقىمايدى جانە جۇمىس ىستەمەيدى – ءى ءى م
تالداۋ نەگىزىندە الىنعان مۇنداي دەرەكتەردى ىشكى ىستەر مينيسترلىگىندە وتكەن بريفينگىدە ۆەدومستۆو وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.
بريفينگ بارىسىندا شۇعىلا تۇرلىبەك تەرگەۋ دەپارتامەنتىنىڭ باستىعى سانجار ءادىلوۆتىڭ ەلوردالىق №22-مەكتەپ- ليتسەيدىڭ جوعارى سىنىپ وقۋشىلارى جانە مۇعالىمدەرىمەن كەزدەسىپ، قوعامدىق قاۋىپسىزدىكتى قامتاماسىز ەتۋ تۇجىرىمداماسىن تالقىلاعانىن اتاپ ءوتتى.
«تۇجىرىمدامانىڭ ءمانى - ىشكى ىستەر ورگاندارىنىڭ ءومىردىڭ بارلىق سالالارىن قامتي وتىرىپ، قاۋىپسىز جانە قۇقىقتىق قوعام قۇرۋ ءۇشىن ازاماتتارمەن ءوزارا ءىس-قيمىلدىڭ سەرۆيستىك مودەلىنە كەزەڭ- كەزەڭىمەن كوشۋ. قازىرگى تالداۋ كورسەتكەندەي، قىلمىسكەرلەردىڭ 80 پايىز - جۇمىسسىز، 33 پايىز - بۇرىن سوتتالعان. جەكە تۇلعاعا قارسى قىلمىستاردىڭ 50 پايىز الكوگول جانە ەسىرتكىگە ماس كۇيىندە جاسالعان. ءاربىر ەكىنشى كامەلەتكە تولماعان قۇقىق بۇزۋشى وقىماعان جانە جۇمىس ىستەمەيدى. مەگاپوليستەردەگى قىلمىستاردىڭ 51 پايىزىن سىرتتان كەلۋشىلەر جاساعان»، - دەدى مينيسترلىكتىڭ وكىلى شۇعىلا تۇرلىبەك.
كەزدەسۋ بارىسىندا سانجار ءادىلوۆ قىلمىس جاساۋ ماسەلەسىن كۇش قولدانۋ شارالارىمەن شەشۋ مۇمكىن ەمەس ەكەنىن ايتتى.
ونىڭ سوزىنشە، مۇنداي ارەكەتكە بارۋعا الەۋمەتتىك، ەكونوميكالىق، گەوگرافيالىق، كوشى- قون، تابيعي، مادەني، دەموگرافيالىق جانە باسقا فاكتورلار اسەر ەتەدى.
