رەسەي استىعىن قازاقستان ارقىلى زاڭسىز ەكسپورتتاۋشىلار انىقتالدى

پاۆلودار. قازاقپارات - قارجىلىق مونيتورينگ اگەنتتىگىنىڭ پاۆلودار وبلىسى بويىنشا دەپارتامەنتى وڭىردەگى كولىك پروكۋراتۋراسىنىڭ ۇيلەستىرۋىمەن زاڭسىز استىق ەكسپورتتاۋشىلاردى انىقتادى، دەپ حابارلايدى قازاقپارات.

«قازاقستان اۋماعى ارقىلى ءۇشىنشى ەلدەرگە ودان ءارى ەكسپورتتاۋ ماقساتىندا رەسەيلىك استىقتىڭ سۇر يمپورتىنىڭ سحەماسى بەلگىلى بولدى. جشس 2021-2022 -جىلدارى 1 ميلليارد تەڭگەدەن استام سوماعا 8,3 مىڭ توننا رەسەيلىك استىقتى وزبەكستان، اۋعانستان جانە تاجىكستانعا ەكسپورتتاعان.

بۇل رەتتە قازاقستاندىق كومپانيا جەڭىلدەتىلگەن ەكسپورتتىق تاريفتى الۋ ءۇشىن وتاندىق شارۋا قوجالىقتارىنان استىقتى قازاقستاندىق ەكەنىن راستايتىن جالعان شوت- فاكتۋرالاردى پايدالانعان، بۇل ترانزيتتىك تاريفتەن جالتارىپ، «ق ت ج جۇك تاسىمالى» ج ش س- نە 150 ميلليون تەڭگەگە جۋىق سوماسىندا زالال كەلتىرۋگە اكەپ سوقتى»، - دەپ جازدى ۆەدومستۆودان.

سوتقا دەيىنگى تەرگەۋ جالعاسۋدا.

رەداكتور

اسحات رايقۇل