08:45, 19 - اقپان 2023 | GMT +5
كوشەدە قارۋمەن جۇرگەن پەتروپاۆل تۇرعىنى ۇستالدى
پەتروپاۆل. قازاقپارات - پەتروپاۆل قالاسىنىڭ 23 جاستاعى تۇرعىنىنان پنەۆماتيكالىق تاپانشاعا ۇقساس زات تاركىلەندى، دەپ حابارلايدى قازاقپارات polisia.kz تەلەگرام كانالىنا سىلتەمە جاساپ.
17-اقپاندا پەتروپاۆل قالاسى پوليتسيا باسقارماسىنىڭ 102 جەدەل كانالىنا ن. نازاربايەۆ كوشەسىندەگى «سيەۆەرنىي» بازارىنىڭ جانىندا قولىندا قارۋى بار كۇدىكتى ەر ادامنىڭ كەلە جاتقانى تۋرالى حابارلاما تۇسەدى.
بۇل فاكت اقپاراتتى ەسەپكە الۋ كىتابىندا تىركەلەدى. پوليتسەيلەر ەكى ەر ادامدى ۇستادى. ولاردىڭ ءبىرى، وبلىس ورتالىعىنىڭ 23 جاستاعى تۇرعىنىنان پنەۆماتيكالىق تاپانشاعا ۇقساس زات تاركىلەندى. زات ساراپتاماعا جىبەرىلدى، ونىڭ ناتيجەلەرى بويىنشا پروتسەستىك شەشىم قابىلدانادى.
