تۇركياداعى ءزىلزالادا قۇربان بولعانداردىڭ سانى جاريالاندى
بۇل تۋرالى CNN Türk تەلەارناسىنىڭ ەفيرىندە ەلدىڭ ىشكى ىستەر مينيسترلىگىنىڭ باسشىسى سۇلەيمان سويلۋ مالىمدەدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
ونىڭ ايتۋىنشا، تابيعات اپاتى كەزىندە قۇلاعان 20 مىڭنان استام عيمارات ورنىندا ىزدەستىرۋ- قۇتقارۋ جۇمىستارى جۇرگىزىلدى. ۆەدومستۆو باسشىسى ىزدەستىرۋ-قۇتقارۋ جۇمىستارىنىڭ باسىم بولىگى اياقتالعانىن ايتتى.
6-اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەر سىلكىنىسى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى. مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تايىپ ەردوعانعا قۇربان بولعاندارعا بايلانىستى كوڭىل ايتتى.
قازاقستان تۇركياعا شۇعىل كومەك كورسەتۋ ءۇشىن ءبىر ميلليون دوللار ءبولدى. ارنايى ەكى رەيسپەن 101 ادامنان تۇراتىن دارىگەرلەر مەن قۇتقارۋشىلار توبى جەتكىزىلدى. قازاقستاندىق قۇتقارۋشىلار ءۇيىندى استىنان 7 ادامدى الىپ شىقتى.
سونداي-اق، قازاقستان اپات ايماعىنا 160 توننادان استام گۋمانيتارلىق كومەك، 28 گەنەراتور جىبەردى.
تۇركياداعى جەر سىلكىنىسىنەن زارداپ شەككەندەرگە قازاقستاندىقتار 3 ميلليون 600 مىڭ ا ق ش دوللارىنان استام قارجى جينادى.
سونداي-اق، قازاقستاندىقتار كيىز ءۇي ساتىپ الۋعا 20 ميلليون تەڭگەدەن استام قارجى جيناعان. 17 ميلليون 300 مىڭ تەڭگەگە 45 كيىز ءۇي ساتىپ الىندى. قازاقستاندىق كاسىپكەرلەر دە قول ۇشىن سوزىپ، 50 گە جۋىق كيىز ءۇي ساتىپ الدى. ناتيجەسىندە تۇركياعا 100 گە جۋىق كيىز ءۇي جىبەرىلدى.
قازاقستاندىق قۇتقارۋشىلاردىڭ العاشقى ەشەلونى تۇركيادان بۇگىن، 18-اقپاندا ورالادى.
فوتو: aa.com.tr
