الۆارەستىڭ كەلەسى قارسىلاسى سەنساتسيا جاساۋعا بەكىندى

استانا. قازاقپارات – ەكىنشى ورتا سالماقتاعى بريتانيالىق بوكسشى دجون رايدەر (31-5، 17 ك و) ديۆيزيوننىڭ ابسوليۋت چەمپيونى ساۋل «كانەلو» الۆارەسپەن (58-2-2، 39 ك و) جەكپە-جەك بويىنشا كەلىسسوز جۇرگىزىپ جاتىر، دەپ حابارلايدى vRINGe.com.

بۇل ايقاس مەكسيكانىڭ گۆادالاحارا قالاسىندا مامىر ايىندا وتەتىنگە ۇقسايدى.

«كەلەسى جەكپە-جەك الۆارەسكە قارسى بولادى. كەلىسىمدى جاقىن ارادا اياقتاۋ ءۇشىن بارىمىزدى سالىپ جاتىرمىز.

وسى كۇندەرى بىرنەشە بوكسشى الەمدى ءدۇر سىلكىندىرىپ، تاڭداندىرىپ جاتىر. مۇندايدى قايتا جاساۋعا بوگەت كورىپ تۇرعان جوقپىن.

بىلتىر «كانەلو» كەرەمەت مىقتى بولمادى. بيۆولدان جەڭىلىپ قالدى، ارينە دميتري مىقتى، دەگەنمەن. ودان كەيىن ساۋل 40 جاستاعى گولوۆكيندى جەڭدى. سوندىقتان «كانەلو» قازىر كارەراسىنىڭ قاي شاعىندا ەكەنى بەلگىسىز. مەن ونىمەن ايقاسامىن جانە ماعان تيەسىلىنى الامىن»، - دەيدى رايدەر.