قاراعاندىدا اۋدان اكىمىنىڭ ورىنباسارى پارا الدى دەگەن كۇدىكپەن ۇستالدى

قاراعاندى. قازاقپارات - قاراعاندى وبلىسىندا پارا الدى دەگەن كۇدىكپەن ءاليحان بوكەيحان اتىنداعى اۋدان اكىمىنىڭ تۇرعىن ءۇي-كوممۋنالدىق شارۋاشىلىعى ماسەلەلەرى جونىندەگى ورىنباسارى، سونداي-اق سول اكىمدىكتىڭ ءبولىم باسشىسى ۇستالدى، دەپ حابارلايدى قازاقپارات ءتىلشىسى.

ءاليحان بوكەيحان اتىنداعى اۋدان اكىمىنىڭ ورىنباسارى ۇستالعانى تۋرالى اقپاراتتى قاراعاندى وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى مۇرات تولەۋبايەۆ جۋرناليستەرمەن بريفينگ بارىسىندا حابارلادى. ايتۋىنشا، اكىم ورىنباسارىمەن قوسا، ءبولىم باسشىسى دا ۇستالعان. بەلگىلى بولعانىنداي، شەنەۋنىكتەر كاسىپكەردەن 500 مىڭ تەڭگە كولەمىندە پارا الدى دەگەن كۇدىككە ىلىگىپ وتىر.

«ءاليحان بوكەيحان اتىنداعى اۋدان اكىمىنىڭ ورىنباسارى مەن ءبولىم باسشىسى ۇستالدى. ەكىنشىسى دەلدال بولعان. ولار ءوز مىندەتتەرىنە كىرەتىن جۇمىستى تىكەلەي ورىنداعانى ءۇشىن كاسىپكەردەن 500 مىڭ تەڭگە العان. قازىرگى ۋاقىتتا بۇل ماسەلە بويىنشا قىلمىستىق ءىس تەرگەۋدە. ول ءالى اياقتالعان جوق. ق ر ق ى ج ك- ءنىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ ەگجەي-تەگجەيلى اقپاراتىن تاراتۋعا قۇقىعىمىز جوق»، - دەدى مۇرات تولەۋبايەۆ.

قازىرگى ۋاقىتتا ءىس سوتتا.