رومان سكليار ەكىباستۇزدا قازاندىقتاردىڭ ىستەن شىعۋى جيىلەپ كەتكەنىن ايتتى

استانا. قازاقپارات - پرەمەر- ءمينيستردىڭ ءبىرىنشى ورىنباسارى رومان سكليار ەكىباستۇزداعى جىلۋ بەرۋ جۇيەسىن قالپىنا كەلتىرۋ جۇمىستارى تۋرالى ايتىپ بەردى، دەپ حابارلايدى قازاقپارات ءتىلشىسى.

«جاقىندا ۇكىمەتتىك كوميسسيا ەكىباستۇزدا بولدى. جاعداي كۇردەلى. بىلتىر جەلىلەردەگى اپات ستانتسيانىڭ جۇمىسىن تەڭگەرىمسىز ەتتى. ەگەر بۇرىن قازاندىقتاردىڭ ۋاقىتشا توقتاپ قالۋى اپتاسىنا 1-2 رەت بولسا، قازىر 1,2 نەمەسە 3 قازاندىق كۇندە ىستەن شىعادى. وسى ورايدا ولاردى شۇعىل تۇردە قالپىنا كەلتىرۋ جۇمىستارى اتقارىلىپ جاتىر. 2022 -جىلى بۇل جۇمىستارمەن 15 ادام اينالىسسا، قازىر جوندەۋ جۇمىستارىنا 130 ادام جۇمىلدىرىلعان. ولار باسقا ۇيىمداردان تارتىلدى»، - دەدى ر. سكليار سەناتتاعى پارلامەنتتىك تىڭداۋدان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، قازىر ەكى اۋىسىمعا 65 ادامنان جۇمىسقا شىعىپ جاتىر.

بۇدان بۇرىن حاحابارلانعانداي، 11-اقپان كۇنى پرەمەر- ءمينيستردىڭ ءبىرىنشى ورىنباسارى رومان سكليار ەكىباستۇزعا جۇمىس ساپارىمەن باردى.

ر. سكلياردىڭ تالابىمەن «پاۆلودارەنەرگو» ا ق باس ديرەكتورى جۇمىسىنان بوساتىلدى.