قازاقستان الماسىن وزبەكستانعا ەكسپورتتاۋدا قانداي كەدەرگىلەر بار
«الما ءوندىرىسىنىڭ جوسپارلانعان ءوسۋى مەن حالىقتىڭ قاجەتتىلىكتەرىن ەسكەرە وتىرىپ، الما ءوندىرىسىن دامىتۋ ءۇشىن ورتا ازيا ەلدەرىنە، اتاپ ايتقاندا وزبەكستان نارىعىنا ەكسپورتتىق الەۋەتتى اشۋ وتە ماڭىزدى. سەبەبى ەل المانى قاجەتتى كولەمدە وندىرمەيدى. الايدا، لوگيستيكالىق مارشرۋتتاردى قۇرۋ كەزىندە وتاندىق بيزنەس مەملەكەت تاراپىنان كومەكتى قاجەت ەتەتىن ءبىرقاتار پروبلەماعا تاپ بولدى. بىرىنشىدەن، وزبەكستان شەكاراسى ارقىلى ەكسپورتتىق- يمپورتتىق وپەراتسيالار كەزىندە تەڭ ەمەس جاعدايلار جاسالعان. جەرگىلىكتى ەكسپورتتاۋشىلار نەگىزسىز قاعازباستىلىققا تاپ بولادى. بۇل كەلىسىمشارتتار بويىنشا جونەلتۋدى قيىنداتادى. ال وزبەك ەكسپورتتاۋشىلارى ءبىزدىڭ نارىققا تاۋارلاردى كەدەرگىسىز جەتكىزەدى. وزبەكستان كارانتيندىك قىزمەتىنىڭ ەرەجەلەرىنە سايكەس وزبەكستان شەكاراسى ارقىلى بارلىق وسىمدىك شارۋاشىلىعى ونىمدەرىن كەسىپ ءوتۋ ءۇشىن 20 دان استام قۇجات قاجەت، ال وزبەكستان ونىمدەرىن وتاندىق نارىقتارعا ەكسپورتتاۋ ءۇشىن تەك 2 قۇجات قاجەت»، - دەپ اتاپ وتەدى سەرىك جۇمانعارين ءماجىلىستىڭ تاراتىلعان 7 شاقىرىلىم دەپۋتاتتارىنىڭ ساۋالىنا بەرگەن جاۋابىندا.
ونىڭ اتاپ وتۋىنشە، وزبەكستانعا الما ەكسپورتى ءۇشىن تاعى ءبىر ماڭىزدى ماسەلە - وزبەكستاننىڭ وزدەرى بەلگىلەيتىن يمپورتتىق ونىمدەرگە قاتىستى كەدەندىك باجداردى، ق ق س جانە تاعى باسقالارىن الۋ ساياساتى. ماسەلەن، بارلىق يمپورتتالاتىن الما بويىنشا شىققان ەلىنە قاراماستان، المانىڭ ءبىر كەلىسىنە كەدەندىك باعا 1 ا ق ش دوللارى مولشەرىندە بەلگىلەندى. ال الما قىتايدان، ەۋروپادان، ا ق ش پەن قازاقستاننان يمپورتتالادى. وزبەكستان شەكاراسىنداعى بارلىق المالاردىڭ باعاسى ولاردىڭ ەلىنە 1 ا ق ش دوللارىنان باستاپ ەكسپورتتالادى جانە وسى باعادان ولاردىڭ باجدارى الىنادى.
«وزبەكستاننىڭ مۇنداي ساياساتى ىشكى نارىقتاعى قازاقستاندىق المانىڭ باعاسىن كەلىسىنە شامامەن 500 تەڭگەگە دەيىن ارتتىرادى جانە ءبىزدىڭ المانى الىس شەتەلدەن الماعا تەڭەستىرەدى، باسەكەگە قابىلەتتىلىكتى تومەندەتەدى. الايدا، لوگيستيكالىق باعىتتاردى ەسكەرە وتىرىپ، وتاندىق بيزنەستىڭ المانى 250-350 تەڭگە شاماسىندا جەتكىزۋگە مۇمكىندىگى بار. وسىعان بايلانىستى، ەكى ەل اراسىنداعى ەكىجاقتى قاتىناستار مەن ءوزارا ساۋدانى دامىتۋ ماقساتىندا وزبەك تاراپىنىڭ ءبىزدىڭ تاۋارلارعا قويىلاتىن تالاپتارىن قايتا قاراۋ ماسەلەلەرى پىسىقتالۋدا. باسقاشا ايتقاندا، وزبەكستان شەكاراسى ارقىلى ەكسپورتتىق- يمپورتتىق وپەراتسيالار ءۇشىن جاعدايلاردى تەڭەستىرۋ بويىنشا جۇمىستار جۇرگىزىلۋدە»، - دەدى مينيستر.
