16:39, 17 - اقپان 2023 | GMT +5
ورتالىق ازيا ەلدەرى ءۇشىن وڭىرلىك رەفەرەنتتىك ورتالىق قۇرىلادى
بىشكەك. قازاقپارات - ورتالىق ازيا ەلدەرى ءۇشىن وڭىرلىك رەفەرەنتتىك ورتالىق قۇرىلادى، دەپ حابارلايدى قازاقپارات «قازستاندارت» ر م ك باسپا ءسوز قىزمەتىنە سىلتەمە جاساپ.
ماسەلە بىشكەك قالاسىندا وتكەن قازاقستان مەن قىرعىز رەسپۋبليكالارى اراسىنداعى الماتى- بىشكەك ەكونوميكالىق ءدالىزى جونىندەگى كىشى كوميتەتتىڭ جەتىنشى وتىرىسىندا تالقىلاندى.
«HUB وڭىرلەردىڭ تۇتىنۋشىلارىن كونترافاكتىلىك جانە قاۋىپتى ونىمدەردەن قورعايدى، سونداي- اق قازاقستان، قىرعىزستان، تاجىكستان مەن وزبەكستان تاۋار وندىرۋشىلەرى ءۇشىن ءوزارا جەتكىزىلەتىن ءونىم ەكسپورتىن جانە ازيا ءوڭىرى ەلدەرىنە ەكسپورتتى ۇلعايتۋعا مۇمكىندىك بەرەدى»، - دەپ اتاپ ءوتتى «قازستاندارت» ر م ك باس ديرەكتورى عابيت مۇحامبەتوۆ.
سونىمەن قاتار، تاراپتار اينالىمداعى ءونىمدى سىناۋ ناتيجەلەرىن ءوزارا تانۋ، ستاندارتتاردى بىرلەسىپ ازىرلەۋ، مەترولوگيالىق قامتاماسىز ەتۋدى دامىتۋ ماسەلەلەرىن تالقىلادى.
