ءۇش مىڭ شاقىرىم جەرگىلىكتى ماڭىزداعى جولدار جوندەلەدى

«كەيىنگى 3 جىلدا 8 مىڭ شاقىرىمنان استام رەسپۋبليكالىق ماڭىزى بار جولدار سالىندى ءارى جوندەلدى، سونداي- اق 9,5 مىڭ شاقىرىمنان استام جەرگىلىكتى ماڭىزى بار جولدار جوندەلدى. ناتيجەسىندە، ستاندارتتى جاعدايداعى جولداردىڭ ۇلەسى رەسپۋبليكالىق جەلىدە 91 پروتسەنتكە دەيىن، جەرگىلىكتى جەلىدە 85 پروتسەنتكە دەيىن ارتتى. 2023 -جىلى 7 مىڭ شاقىرىم رەسپۋبليكالىق ماڭىزى بار جولدى جانە 3 مىڭ شاقىرىم جەرگىلىكتى جەلىلەردى قايتا سالۋ جانە جوندەۋمەن قامتۋ جوسپارلانعان»، - دەدى ر. سكليار سەناتتاعى «ءتيىمدى وڭىرلىك ساياسات - ەلىمىزدىڭ ورنىقتى الەۋمەتتىك- ەكونوميكالىق دامۋىنىڭ نەگىزى» تاقىرىبىنداعى پارلامەنتتىك تىڭداۋدا.

ونىڭ ايتۋىنشا، مەملەكەت باسشىسىنىڭ 2029 -جىلعا دەيىنگى سايلاۋالدى تۇعىرناماسى اياسىندا ستاندارتتى جاعدايداعى رەسپۋبليكالىق ماڭىزى بار اۆتوموبيل جولدارىنىڭ ۇلەسىن % 100 جانە جەرگىلىكتى جەلىدەگى اۆتوموبيل جولدارىنىڭ ۇلەسىن % 95 پروتسەنتكە جەتكىزۋ مىندەتى قويىلدى.

بۇدان بولەك ول ءبىرقاتار اۋقىمدى تەمىرجول جوبالارى دا جۇزەگە اسىرىلاتىنىن ايتتى.

«جوسپارلانعان شارالاردىڭ ناتيجەسىندە ترانزيت كولەمى % 30 پايىزعا ارتادى. جالپى، زاماناۋي كولىك ينفراقۇرىلىمىن قۇرۋ ەلىمىزدىڭ ترانزيتتىك الەۋەتىن ارتتىرىپ، ايماقتاردىڭ بايلانىسىن جاقسارتادى»، - دەدى ۇكىمەت باسشىسىنىڭ ءبىرىنشى ورىنباسارى.

بۇدان بۇرىن حابارلانعانداي، پرەمەر- ءمينيستردىڭ ءبىرىنشى ورىنباسارى ەلىمىزدەگى جىلۋ ەلەكتر ستانسيالارى مەن ەلەكتر جەلىلەرىنە ريەۆيزيا جۇرگىزىلىپ جاتقانىن ايتتى. بۇل تەكسەرۋ بيىلدىڭ ءبىرىنشى توقسانىندا اياقتالادى.

2025 -جىلدىڭ سوڭىنا دەيىن حالىقتى اۋىز سۋمەن قامتۋ 100 پايىزدى قۇرايدى.

اۆتور

رۋسلان عابباسوۆ