الماتى وبلىستىق ت ج د تۇرعىندارعا ۇندەۋ جاسادى

قونايەۆ. قازاقپارات - الماتى وبلىسىنىڭ توتەنشە جاعدايلار دەپارتامەنتى كوكتەمگى سۋ تاسقىنىنىڭ الدىن الۋ ماقساتىندا وبلىس تۇرعىندارىنا ۇندەۋ جاسادى، دەپ حابارلايدى قازاقپارات ءتىلشىسى.

الماتى وبلىسىنىڭ ت ج د مالىمەتىنشە، وبلىس اۋماعىندا سۋ باسۋدىڭ الدىن الۋ ماقساتىندا ءتيىستى شارالار قولعا الىنۋدا. وسىعان بايلانىستى الماتى وبلىسىنىڭ ت ج د ۇندەۋ جاريالاپ، تۇرعىنداردان ءۇي ماڭىنداعى ارىقتاردى تەكسەرىپ، ولاردى تازارتۋدى سۇرادى.

«قۇرمەتتى الماتى وبلىسىنىڭ تۇرعىندارى! توتەنشە جاعدايلار دەپارتامەنتى ەرىگەن سۋلاردى ارىق جەلىلەرى ارقىلى كەدەرگىسىز وتكىزۋدى ۇيىمداستىرۋ ماقساتىندا جەكە سەكتور تۇرعىندارىنان جەكە اۋماقتاردا، سونداي- اق ۇيلەرگە ىرگەلەس ۋچاسكەلەردە ورنالاسقان ارىقتاردى تەكسەرۋدى جانە تازارتۋدى سۇرادى. تۇرعىن ۇيلەردى سۋ باسىپ قالماس ءۇشىن ارىق جەلىلەرىنىڭ قوقىسپەن بىتەلۋىنە جانە قار باسىپ قالۋىنا جول بەرمەۋلەرىڭىزدى سۇرايمىز»، - دەلىنگەن دەپارتامەنت ۇندەۋىندە.