بوليۆيادا دەنگە بەزگەگى تارالىپ بارادى

استانا. قازاقپارات - بوليۆيادا دەنگە بەزگەگى كەڭ تاراپ جاتىر. سانتا- كرۋس قالاسىنىڭ اۋرۋحانالارى ىندەت جۇقتىرعاندارعا لىق تولى.

اسىرەسە اۋرۋعا بالالار كوپ شالدىققان. بۇعان دەيىن، مۇنداي جاعداي تەك كوروناۆيرۋس پاندەمياسى كەزىندە بولعان ەدى. جەرگىلىكتى اقپارات كوزدەرىنىڭ حابارلاۋىنشا، گوسپيتالداردا جاتاتىن ورىن تاپشى، ۆيرۋس جۇقتىرعانداردىڭ كوبى سىرتتا ورنالاسقان. بىلتىر ىندەت باستالعالى دەرتتەن 26 ادام كوز جۇمعان. ناۋقاس سانى 6800 دەن استى. قازىر ماسا، شىبىن- شىركەيلەردىڭ كوپ جينالاتىن جەرلەرىن تازارتۋ جۇمىستارى ءجۇرىپ جاتىر. دەنگە بەزگەگى ادەتتە ادامعا جاندىكتەردەن جۇعادى. ونىڭ نەگىزگى بەلگىلەرى 14 كۇننەن كەيىن بايقالادى. ادامنىڭ باسى اۋىرىپ، قۇسىپ، بۋىندارى سىرقىراپ، ءوزىن جايسىز سەزىنەدى.

www.24.kz