16:58, 16 - اقپان 2023 | GMT +5
كوكشەتاۋدا جانارماي قۇيۋ بەكەتىندە جارىلىس بولىپ، وپەراتور قازا تاپتى
كوكشەتاۋ. قازاقپارات - كوكشەتاۋدا جانار- جاعارماي قۇيۋ بەكەتىندە جارىلىس بولىپ، 35 جاستاعى وپەراتور كوز جۇمدى، دەپ حابارلايدى قازاقپارات ءتىلشىسى اقمولا وبلىستىق ت ج د باسپا ءسوز قىزمەتىنەن.
ۆەدومستۆونىڭ مالىمەتىنشە، وقيعا بۇگىن 16-اقپاندا كوكشەتاۋ قالاسىنىڭ سولتۇستىك يندۋستريالىق ايماعىنداعى «Qazaqoil» جانار- جاعارماي قۇيۋ ستانساسىنىڭ اۋماعىندا بولعان.
جانارماي تاسىمالدايتىن ەكى تسيستەرنا جانىپ كەتتى.
«ءورت 11:05 تە وقشاۋلانىپ، 20 مينۋت ىشىندە تولىق جويىلدى. ءورت اۋماعى 35 شارشى مەتردى قۇرادى. ءورت سالدارىنان جانارماي قۇيۋ بەكەتىنىڭ وپەراتورى 1988 -جىلعى ەر ادام قازا تاپتى. ءورتتىڭ شىعۋ سەبەبى انىقتالۋدا»، - دەدى ۆەدومستۆودان.
ايتا كەتسەك، مۇنىڭ الدىندا «استانا- پەتروپاۆل» تاسجولىندا كولىك ورتەنىپ كەتكەن ەدى.
