مەدەۋ ارىنبايەۆ داۋلەت تۇرلىحانوۆتىڭ ۇلىنا قاتىستى پىكىر ءبىلدىردى
ول بۇل وقيعانى ەشكىم كوزبەن كورمەگەنىن، سايلاۋ الدىنداعى ارانداتۋشىلىق بولۋى دا مۇمكىن ەكەنىن جەتكىزگەن، - دەپ حابارلايدى Massaget.kz ءتىلشىسى.
«ەلىمىزدىڭ ءبىرتۋار ۇلى داۋلەت بولات ۇلى جايىنداعى سوڭعى جاڭالىقتار ەلدىڭ تالقىسىنا ءتۇسىپ جاتىر. وسى جاعدايعا بايلانىستى جەكە ويىمدى بىلدىرگىم كەلەدى. قاي اتا- انا بالاسىن جامان بولسىن دەپ تاربيەلەيدى؟ ارينە، تەك جاقسى بولسىن دەيدى! قازىرگى تاڭدا بالانىڭ قۇقىعىن قورعاۋ ماقساتىندا ەمەس، جان-جاقتان جازىلىپ جاتقان پىكىرلەر داۋلەت اعامىزعا كەلىپ تىرەلىپ تۇر. بۇل دا ءبىر سايلاۋ الدىنداعى جاسالىپ جاتىرعان ارانداتۋشىلىق ءىس-ارەكەت بولۋى ابدەن مۇمكىن. بارلىق ءىستىڭ بايىبىنا بارماي، جاۋابىن كۇتەيىك. بولعان وقيعانى سىزدەر دە، ءبىز دە ءوز كوزىمىزبەن كورگەن جوقپىز. مەن اركەزدە داۋلەت بولات ۇلىن قولدايمىن! الداعى مايداندا جەڭىسكە جەتۋىنە تىلەكتەسپىن! ەلىمىزگە جاساعان ەڭبەگىن، سپورتتاعى ەرلىگىن ەسكەرە وتىرا بۇل جاعدايدى سابىرمەن سارالاعانىمىز ءجون بولار دەپ ويلايمىن...» - دەپ جازعان ول.
ەسكە سالايىق، بۇعان دەيىن ادۆوكاتتى سوققىعا جىققان اسكەري قىزمەتكەر داۋلەت تۇرلىحانوۆتىڭ ۇلى بولىپ شىققانى حابارلانعان ەدى.
