15:26, 16 - اقپان 2023 | GMT +5
ا ە س قۇرىلىسى: الماتى وبلىسىنىڭ جامبىل اۋدانىندا قوعامدىق تىڭداۋ وتەدى
الماتى. قازاقپارات – 28- اقپان كۇنى ساعات 11:00 دە الماتى وبلىسى جامبىل اۋدانىنداعى ۇلكەن اۋىلى ورتا مەكتەبىنىڭ اكت زالىندا ا ە س قۇرىلىسى تۋرالى كوپشىلىك الدىندا تىڭداۋ وتەدى.
بۇل تۋرالى قازاقپارات «سامۇرىق-قازىنا» قورىنىڭ رەسمي تەلەگرام كانالىنا سىلتەمە جاساپ حابارلايدى.
«جەرگىلىكتى تۇرعىنداردىڭ جوبا تۋرالى پىكىر ءبىلدىرىپ، ارنايى قاتىساتىن ساراپشىلارعا سۇراق قويۋ مۇمكىندىگى بولادى.
كەزدەسۋ ۇيىمداستىرۋشىسى - الماتى وبلىسىنداعى جامبىل اۋدانىنىڭ اكىمدىگى. اقپاراتتىق قولداۋ ءبىلدىرۋشى - «سامۇرىق-قازىنا» قورى. ءبىز ءىس-شارانىڭ اشىق ءوتۋىن قامتاماسىز ەتەمىز.
كەزدەسۋدى قوردىڭ YouTube جانە Instagram پاراقشالارىنان تىكەلەي ەفيردە كورۋگە بولادى. سونىمەن قاتار، ءىس-شاراعا وففلاين قاتىسۋعا بولادى. ول ءۇشىن ۇلكەن اۋىلىنا ەڭ جاقىن دەگەن شىعاناق تەمىرجول ستانتسياسىنا كەلۋىڭىز كەرەك (جول شىعىنىن قاتىسۋشىنىڭ ءوزى تولەيدى)»، - دەلىنگەن حابارلامادا.
