سەناتورلار قانىش ساتبايەۆتىڭ مەرەيتويىن جوعارى دەڭگەيدە اتاپ ءوتۋدى ۇسىندى
دەپۋتات ق ر پرەمەر-ءمينيسترى ءاليحان سمايىلوۆتىڭ اتىنا جولداعان ساۋالىندا عالىمنىڭ مەرەيتويىنا ارنالعان ءىس- شارالار جوسپارىن بەكىتۋ قاجەت ەكەنىن ايتتى.
سەناتور وسى ءىس-شارالار جوسپارىن قاراۋ جانە بەكىتۋ ءۇشىن مەملەكەتتىك كوميسسيا قۇرۋدى دا ۇسىندى.
«عالىمنىڭ تۋعان ەلى - پاۆلودار قالاسىنىڭ اەروپورتىنا «اكادەميك قانىش ساتبايەۆ» ەسىمىن بەرۋدى جانە العاشقى اكادەميكتىڭ 10 تومدىق تولىق جيناعى مەن 5 تومدىق اكادەميالىق شىعارمالار جيناعىن دايىنداۋ جانە ەنتسيكلوپەدياسىن تولىقتىرىپ، جاڭادان ەكى تىلدە شىعارۋدى ۇسىنامىز. قازاقستانداعى ساتپايەۆ مۋزەيلەرىن زاماناۋي تالاپتارعا سايكەس قالىپقا كەلتىرۋ، قانىش ساتپايەۆتىڭ تۋعان جەرىندە مەموريالدىق كەشەن سالۋ جانە بۇعان دەيىنگى دەپۋتاتتىق ساۋالدا كوتەرىلگەن 30 كيلومەترلىك تۋريستىك جولدى سالۋدى باستاۋ ماڭىزدى»، - دەدى سەناتور.
سونىمەن قاتار ول رۋحانيات جاناشىرى بولعان عالىم تۋرالى تولىقمەتراجدى كوركەم-دەرەكتى فيلم ءتۇسىرۋدى ۇسىندى.
اشىق كوزدەردەن الىنعان فوتو
