ۆاتساپ جەلىسىنىڭ باسشىسى تەلەگرامدى قولدانباۋعا شاقىردى
بۇل تۋرالى ۋيلل كەتكارت ءوزىنىڭ Twitter پاراقشاسىندا جازدى، دەپ حابارلايدى قازاقپارات ءتىلشىسى.
WhatsApp باسشىسىنىڭ پىكىرىنشە، Telegram دەرەكتەردىڭ قاۋىپسىزدىگىن تولىق قامتاماسىز ەتپەيدى.
«ولاردىڭ e2ee (end-to-end encryption) حاتتامالارىندا اقپاراتتى وزگە قولدانۋشىلاردان قورعايتىن، شيفرلايتىن تاۋەلسىز تەكسەرۋ جوق. Telegram-دا كوپتەگەن تەحنولوگيالىق كومپانيالار قابىلداعان ناقتى اشىقتىق قاعيداتى دا جوق. پلاتفورماداعى ورەسكەل قاتەلىكتەر ادامدارعا ءقاۋىپ توندىرەدى»، - دەپ جازدى ۋيلل كەتكارت ءوزىنىڭ Twitter پاراقشاسىندا.
سونىمەن قاتار، ول اتالعان مەسسەندجەر قۇپيا چاتتارداعى مالىمەتتەردى وزگە ادامداردىڭ وقۋىنا مۇمكىندىك بەرەتىنىن ءمالىم ەتتى. بۇعان قوسا، ۋيلل كەتكارت Telegram اكىمشىلىگى ۇكىمەت سۇراتۋى بويىنشا كەز كەلگەن قۇپيا اقپاراتتى ۇسىناتىنىن جازعان.
