شەكارا قىزمەتىنىڭ ديرەكتورى ۆلاديسلاۆ چەلاح ىسىنە قاتىستى پىكىر ءبىلدىردى

استانا. قازاقپارات – ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى ەرلان الداجۇمانوۆ ءىستى بولعان ۆلاديسلاۆ چەلاحتىڭ پرەزيدەنتكە جازعان حاتى تۋرالى تىلشىلەر سۇراققا جاۋاپ بەردى، دەپ حابارلايدى قازاقپارات ءتىلشىسى.

«بۇل وقيعا بولعان جىلى ءتيىستى قىلمىستىق ءىس تەرگەلگەن بولاتىن. اتاپ ايتقاندا، تەرگەۋ امالدارى تولىق جۇرگىزىلدى. ەگەر باسقا دا مالىمدەمەلەر بولسا، ونىڭ ءمان-جايىن قاراستىرۋعا بولادى. قازىر ول نە تۋرالى ايتقىسى كەلگەنىن ناقتى بىلمەيمىن»، - دەدى ا. الداجۇمانوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

سونىمەن قاتار ول بۇل ءىس بويىنشا شەكارا قىزمەتىنىڭ ۇستانىمى تەرگەۋ ورگاندارىنىڭ دالەلدەرىمەن سايكەس كەلەتىنىن ايتتى.

بۇدان بۇرىن حابارلانعانداي، ق ر باس پروكۋرورىنىڭ ورىنباسارى جاندوس ومىراليەۆ ۆلاديسلاۆ چەلاحتىڭ پرەزيدەنتكە جازعان حاتى جونىندە پىكىر ءبىلدىردى.

بىلتىر جىل سوڭىندا ۆ. چەلاح ءوتىنىشى باس پروكۋراتۋراعا ءتۇستى.

ەسكە سالا كەتسەك، 2012 -جىلى مامىردىڭ 27 سىنەن 28 ىنە قاراعان ءتۇنى الماتى وبلىسىنىڭ «ارقانكەرگەن» شەكارا بەكەتىندە 14 شەكاراشى جانە ءبىر قورىقشى قازا تاپتى.