ساۋدا ءمينيسترى: قاعازدىڭ قىمباتتاعانىن ءبىرىنشى رەت ەستىپ تۇرمىن
ب ا ق وكىلدەرى ۆەدومستۆو باسشىسىنا ەلدە دارەتحانا قاعازىنىڭ قىمباتتاعانىن مىسالعا كەلتىردى. سونداي-اق باسقا قانداي تاۋارلاردىڭ باعاسى ءوسۋى مۇمكىندىگىن سۇرادى.
قاعاز قىمباتتاعانىن ءبىرىنشى رەت ەستىپ تۇرمىن. قازىر تاپسىرما بەرەمىن. كەيىن سۇراقتارىڭىزعا ناقتى جاۋاپ بەرەمىز، - دەدى سەرىك جۇمانعارين سەناتتىڭ جالپى وتىرىسىنان سوڭ كۋلۋاردا تىلشىلەرگە بەرگەن سۇحباتىندا.
ءمينيستردىڭ ايتۋىنشا، قازاقستان اۋماعىندا تەك الەۋمەتتىك ماڭىزعا يە 19 تاۋاردىڭ باعاسى عانا باقىلاۋدا.
قانداي تاۋارلار قىمباتتاۋى مۇمكىن؟ وعان دا ناقتى جاۋاپ بەرە المايمىن. سەبەبى، مىڭداعان تاۋار بار. ءاربىر ادام ءارتۇرلى تاۋارعا قىزىعادى. بىرىنشىدەن، ءبارىن باقىلاۋعا الۋعا مۇمكىندىك جوق. ەكىنشىدەن، ەشقانداي قاجەتى جوق. قازىر بىزدە الەۋمەتتىك ماڭىزى بار 19 تاۋار بار. ولاردى ءبىز باقىلاۋعا الدىق، - دەدى ۆيتسە- پرەمەر.
Energyprom.kz پورتالى تاراتقان اقپاراتقا سۇيەنسەك، بىلتىر ەل اۋماعىندا 26,8 مىڭ توننا دارەتحانا قاعازى وندىرىلگەن. بۇل - الدىڭعى جىلمەن سالىستىرعاندا 23,7 پايىزعا تومەن.
بەلگىلى بولعانداي، رەسپۋبليكامىزدا ءبىر جىلدىڭ ىشىندە دارەتحانا قاعازىنىڭ باعاسى 50 پايىزعا وسكەن. ءتىپتى حالىق ونىڭ قىمباتتاۋىنا بايلانىستى دارەتحانا قاعازىن قولدانۋدى ازايتقان.
