جاپاروۆ اتامبايەۆتىڭ بوستاندىققا شىعۋى تۋرالى ويىن ايتتى
«ەگەر شەشىمدى سوت پەن قۇقىققورعاۋ ورگاندارى شىعارسا، دەمەك سول شەشىمگە باعىنۋىمىز كەرەك. زاڭعا باعىنىپ ءومىر ءسۇرۋدى ۇيرەنۋىمىز كەرەك. بىلتىر ول (اتامبايەۆ- ەسك.) قازان وقيعالارى بويىنشا، مەكتەپ سالۋ جانە شەتەلدىك ازاماتتارعا پاسپورتتاردى زاڭسىز بەرۋ تۋرالى ءىس بويىنشا اقتالىپ شىققان بولاتىن. سول كەزدە دە سوتتىڭ شەشىمى ماڭىزدى ەكەنىن اتاپ وتكەن بولاتىنبىز. قازىر دە سول ۇستانىمدامىز»، - دەيدى جاپاروۆ.
پرەزيدەنت تۇرمەدە وتىرۋدى قاس جاۋىنا دا تىلەمەيتىنىن اتاپ ءوتتى.
ەسكە سالايىق، 14-اقپاندا قىرعىزستان رەسپۋبليكاسىنىڭ ەكس-پرەزيدەنتى المازبەك اتامبايەۆ بوستاندىققا شىققانىن حابارلاعان ەدىك. وعان بىشكەك پەرۆوماي اۋداندىق سوتىنىڭ شەشىمىمەن ەمدەلۋ ءۇشىن شەت ەلگە شىعۋعا رۇقسات بەرىلدى.
المازبەك اتامبايەۆ 2020 -جىلعى ماۋسىمدا 11 جىلعا باس بوستاندىعىنان ايىرىلعان بولاتىن. ول بىشكەك ماڭىنداعى كولونيادا جاپپاي تارتىپسىزدىك ۇيىمداستىردى دەگەن ايىپپەن 16 جىل 8 ايعا سوتتالعان قىلمىس الەمىنىڭ اۆتوريتەتى ازيز باتۋكايەۆتىڭ مەرزىمىنەن بۇرىن تۇرمەدەن شىعۋىنا كومەكتەستى دەگەن ايىپپەن سوتتالدى.
