يلون ماسك ءيتىن تۆيتتەردىڭ باس ديرەكتورى ەتىپ تاعايىندادى
ميللياردەر الەۋمەتتىك جەلىنىڭ جاڭا باس ديرەكتورى ەتىپ فلوكي ەسىمدى سيبا-ينۋ تۇقىمىنا جاتاتىن ءيتىن «تاعايىندادى»، دەپ حابارلايدى قازاقپارات Business Today باسىلىمىنا سىلتەمە جاساپ.
ماسك ءوز اككاۋنتىندا وزىنە نەمەسە Twitter-دىڭ بۇرىنعى باس ديرەكتورى پاراگ اگراۆالعا باعىتتاعانداي بولىپ، جاڭا ديرەكتوردى بۇرىنعى باسشىعا قاراعاندا قابىلەتى مول دەپ سانايتىنىن جازدى.
ماسك Twitter لوگوتيپى بار فۋتبولكا كيگەن، اينالاسىندا قۇجاتتار مەن نوۋتبۋك تۇرعان، باس ديرەكتور كرەسلوسىندا وتىرعان فلوكي اتتى ءيتىنىڭ سۋرەتىن ءبولىستى.
الەۋمەتتىك جەلى قولدانۋشىلارى ماسك جازباسىنا ءارتۇرلى رەاكسيا قالدىردى.
كەيبىرەۋلەر مۇنى كۇلكىلى ءازىل رەتىندە قابىلداسا، ەندى باسقالارى مۇنى ميللياردەردىڭ ەكسسەنتريزمگە تولى مىنەز-قۇلقىنىڭ تاعى ءبىر كورىنىسى دەپ سانايدى.
ءبىراق جازبا Twitter پايدالانۋشىلاردان جۇزدەگەن مىڭ لايك جيناعان.
يلون ماسك ءوز ورنىنا Twitter-دىڭ جاڭا باس ديرەكتورىن ىزدەپ جۇرگەنى بەلگىلى.
ول ءتىپتى كەلەسى باس ديرەكتور قىزمەتىنە تانىمال YouTube بلوگەرى MrBeast-تى ۇسىنا الاتىنىن ايتتى. دەگەنمەن، بۇل لاۋازىمدا ازىرگە ءوزى وتىر.
يلون ماسك Twitter پلاتفورماسىن 2022 -جىلدىڭ قازان ايىندا 44 ميلليارد دوللارعا ساتىپ الدى.
