قازاقستان مەن قىرعىزستان بىرلەسىپ كۇن ەلەكتر ستانساسىن سالىپ جاتىر
قىرعىزستان رەسپۋبليكاسى جاڭارتىلاتىن ەنەرگيا كوزدەرىنىڭ جوعارى الەۋەتىنە يە، ولاردىڭ نەگىزگى تۇرلەرى - سۋ ەنەرگياسى، كۇن ەنەرگياسى، جەل جانە بيوماسسا ەنەرگياسى.
جاڭارتىلاتىن ەنەرگيا كوزدەرىن، اتاپ ايتقاندا كۇن ەنەرگياسىن پايدالانۋ جوبالارىنىڭ ءبىرى - قازاقستاندىق ينۆەستورلاردىڭ ىستىقكول وبلىسىنىڭ تورۋ-ايعىر اۋىلىنداعى كۇن ەلەكتر ستانساسى.
2022-جىلدىڭ جەلتوقسان ايىنىڭ سوڭىندا «تەحنوگرۋپپسەرۆيس» كومپانيالار توبىنىڭ ەنشىلەس ۇيىمى قازاقستاندىق جەكە مەنشىك TGS- Energy Limited كومپانياسى جانە «TazaEnergy» ج ش س- ءنىڭ ەنشىلەس ۇيىمى قىرعىزستان رەسپۋبليكاسىنىڭ ۇلتتىق ەنەرگەتيكا حولدينگى «تورۋ-ايعىر» كۇن ەلەكتر ستانساسىنىڭ قۇرىلىسى بويىنشا «كۋن بۋلاعى» ج ش س- ءنىڭ قىرعىز- قازاقستاندىق بىرلەسكەن كاسىپورنىن قۇرۋ جونىندە جارعىلىق قۇجاتقا قول قويدى.
«TGS- Energy» مالىمەتىنشە، جوبانىڭ ماقساتى - قىرعىزستاندا ەلەكتر ەنەرگياسىن تۇتىنۋدىڭ ءوسىمى جاعدايىندا ونىڭ تاپشىلىعىن ازايتۋ ءۇشىن ەلەكتر ەنەرگياسىن ءوندىرۋدى ارتتىرۋ، سونداي-اق جاڭارتىلاتىن ەنەرگيا كوزدەرىنەن ەلەكتر ەنەرگياسىن ءوندىرۋدى كوبەيتۋ.
كۇن ەلەكتر ستانتسياسى قۇرىلىسىنىڭ باس مەردىگەرى - «TGS- Construction» ج ش س.
قازىرگى ۋاقىتتا جوبانى ىسكە اسىرۋ باستاپقى كەزەڭىندە، كۇن ەلەكتر ستانساسىن سالۋعا جەر تەلىمدەرى ءبولىندى، جالپىعا ورتاق جەلىگە قوسىلۋدىڭ تەحنيكالىق شارتتارى ازىرلەنىپ، جوبالىق-ىزدەنۋ جۇمىستارى جۇرگىزىلۋدە.
قىرعىزستاننىڭ «TazaEnergy» كومپانياسىنىڭ ديرەكتورى يسكەندەر بەيشەناليەۆ كۇن ەلەكتر ستانساسىن سالۋ جوباسى ستراتەگيالىق، سونىمەن قاتار قىرعىزستان تاريحىنداعى ءبىرىنشى جانە ەڭ ءىرى جوبا ەكەنىن اتاپ ءوتتى.
«بۇل جوبا قىرعىزستاننىڭ ج ە ك الەۋەتىن ىسكە اسىرۋعا جانە ىستىقكول ايماعىن جوعارى تەحنولوگيالىق پروتسەستەردى قاجەت ەتپەيتىن ەكولوگيالىق تازا ەنەرگيا كوزىمەن قامتاماسىز ەتۋگە مۇمكىندىك بەرەدى. بۇگىنگى تاڭدا ءتيىستى قۇجاتتاردى جيناۋ جۇمىستارىنىڭ باسىم بولىگى جۇرگىزىلدى، جەر تەلىمىن ترانسفورماتسيالاۋ پروتسەسى ءجۇرىپ جاتىر، ونى اعىمداعى جىلدىڭ اقپان ايىنىڭ سوڭىنا دەيىن اياقتاۋ كۇتىلۋدە»، - دەپ قوستى ول.
جوبانىڭ جالپى قۋاتى شامامەن 200 ميلليون ا ق ش دوللارىن قۇرايتىن 300 مۆت. قۋاتى 50 مۆت بولاتىن قۇرىلىستىڭ ءبىرىنشى كەزەڭى 34,3 ميلليون ا ق ش دوللارىنا باعالانىپ وتىر.
ونىڭ ىشىندە جوبا قۇنىنىڭ %20 «TGS- Energy» كومپانياسىنىڭ ۇلەسىنە تيەدى، قالعان قارجىلاندىرۋ بانك نەسيەسىن تارتۋ ارقىلى جۇزەگە اسادى.
س ە س- كە دۇرىس قىزمەت كورسەتۋ جاعدايىندا ونىڭ قىزمەت ەتۋ مەرزىمى 20 جىلدان اسادى. ءبىرىنشى كەزەڭنىڭ قۇرىلىسى 2023-جىلدىڭ سوڭىنا دەيىن اياقتالادى دەپ كۇتىلۋدە.
ءداستۇرلى ەنەرگيا كوزدەرىمەن سالىستىرعاندا قىرعىزستاندا جەك ەنگىزۋ جانە پايدالانۋ ەنەرگيا تاپشىلىعىن ازايتۋعا جانە ەلدىڭ شالعاي اۋداندارىن دامىتۋعا، سونداي-اق قورشاعان ورتاعا ەكولوگيالىق زالالدىڭ دەڭگەيىن ايتارلىقتاي تومەندەتۋگە مۇمكىندىك بەرەدى.
بۇل اۋقىمدى جوبا قازاقستان مەن قىرعىزستاننىڭ «جاسىل» ەنەرگەتيكا سالاسىنداعى ەكىجاقتى ىنتىماقتاستىعى ءۇشىن جاڭا مۇمكىندىكتەر اشىپ، ەكى ەلگە جوعارى ەكولوگيالىق ستاندارتتاردى ەسكەرە وتىرىپ، ەنەرگيامەن قامتاماسىز ەتۋ ماسەلەلەرىن بىرلەسىپ شەشۋگە مۇمكىندىك بەرەدى.
