17:56, 15 - اقپان 2023 | GMT +5
ايگىلى بالۋان داۋلەت تۇرلىحانوۆ ۇلىنىڭ ارەكەتى ءۇشىن كەشىرىم سۇرادى
استانا. قازاقپارات - تانىمال قازاقستاندىق سپورتشى داۋلەت تۇرلىحانوۆ جەلىدە داۋ تۋدىرعان ۇلىنىڭ ارەكەتى ءۇشىن كەشىرىم سۇرادى، - دەپ حابارلايدى قازاقپارات.
بۇل تۋرالى ول Instagram-پاراقشاسىندا جازعان.
«اقپاننىڭ 11 نە قاراعان ءتۇنى الماتىدا مەنىڭ ۇلىم مەن زاڭگەرلەردىڭ اراسىندا بولعان وقيعاعا قاتىستى پىكىر ءبىلدىرۋدى ءجون دەپ تاپتىم. مەنىڭ ۇلىم نۇراسىل كامەلەت جاسىنا تولعان، ەگەر ونىڭ كىناسى دالەلدەنسە، وعان قازاقستان رەسپۋبليكاسىنىڭ زاڭدارىنا سايكەس ءتيىس شارا قولدانىلادى. سونىمەن بىرگە، مەن ۇلىمنىڭ ارەكەتى ءۇشىن كەشىرىم سۇرايمىن»، - دەپ جازعان ول.
ەسكە سالايىق، بۇعان دەيىن الماتىدا ادۆوكاتتى سوققىعا جىققان اسكەري قىزمەتكەر گرەك-ريم كۇرەسىنەن قازاقستاندىق جانە بۇرىنعى كەڭەس وداعىنىڭ بالۋانى داۋلەت تۇرلىحانوۆتىڭ ۇلى بولىپ شىققانىن حابارلاعان ەدىك.
