الماتىداعى قارۋ-جاراق دۇكەنىنەن ۇرلانعان قارۋ تارازدان تابىلدى
جامبىل وبلىسىندا ۇرلانعان قارۋدى عانا ەمەس، جالپى زاڭسىز اينالىمداعى قارۋدى تابۋ جانە تاركىلەۋ بويىنشا جۇمىستار جۇرگىزىلىپ جاتىر.
قارۋ جاسىرىلعان تاعى ءبىر ورىندى 2023-جىلعى 12- اقپاندا جامبىل وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى تاپتى.
تاراز قالاسىندا 2022-جىلعى قاڭتاردا الماتى قالاسىنداعى قارۋ-جاراق دۇكەنىنەن ۇرلانعان 308 Win كاليبرلى Benelli Argo-E كارابين مىلتىعى جانە پاترونىمەن بىرگە 9 م م كاليبرلى SM Action گاز تاپانشاسى تابىلىپ، تاركىلەندى.
- اتالعان دەرەككە قاتىستى سوت-بالليستيكالىق ساراپتاماسى تاعايىندالدى. ق ر ق ك- ءنىڭ 287-بابىنىڭ 3-بولىگى (قارۋدى، وق-دارىلەردى جارىلعىش زاتتار مەن قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. جەدەل-ىزدەستىرۋ ءىس-شارالارى بارىسىندا ءبىزدىڭ قىزمەتكەرلەر قارۋ-جاراقتاردى انىقتاۋدى جانە ولاردى زالالسىزداندىرۋدى جالعاستىرىپ جاتىر، - دەدى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقبايەۆ.
