سالۆادور تەحاستا بيتكوين ەلشىلىگىن اشادى
سالۆادوردىڭ ا ق ش- تاعى ەلشىسى ميلەنا مايورگانىڭ حابارلاۋىنشا، سالۆادور وكىلدەرى تەحاس ۇكىمەتى حاتشىسىنىڭ ورىنباسارى دجو ەسپارزامەن كەزدەسىپ، بيتكوين ەلشىلىگىن اشۋ، سونداي- اق كوممەرتسيالىق جانە ەكونوميكالىق الماسۋ جوبالارىن كەڭەيتۋ ماسەلەسىن تالقىلادى.
ديپلومات تەحاس ۇكىمەتىنىڭ كوپشىلىگى بۇل كريپتوۆاليۋتانى اشىق تۇردە قولدايتىنىن جانە 2022 -جىلى سالۆادور مەن وڭتۇستىك امەريكا شتاتى اراسىندا 1244636983 دوللار سوماسىنا كوممەرتسيالىق ايىرباستاۋ ورىن العانىن اتاپ ءوتتى.
سالۆادور 2021 -جىلدىڭ قىركۇيەگىندە بيتكويندى زاڭدى تولەم قۇرالىنا اينالدىرعان الەمدەگى العاشقى ەگەمەن مەملەكەت رەتىندە تاريحقا ەندى. ەل بيتكوينمەن قامتاماسىز ەتىلگەن العاشقى تاۋەلسىز قارىز وبليگاتسيالارىن شىعارىپ، كريپتوۆاليۋتاعا نەگىزدەلگەن جوبالاردى جۇزەگە اسىرۋدا.
العاشقى بيتكوين ەلشىلىگى شۆەيتساريادا 2022 -جىلدىڭ قازان ايىندا اشىلدى. سالۆادور ەۋروپالىق كونتينەنتتە بيتكويندى تاراتۋعا باعىتتالعان لۋگانو قالاسىمەن ءوزارا تۇسىنىستىك تۋرالى مەموراندۋمعا قول قويدى.
اۆتور: رۇستەم قوجىبايەۆ
