قازاقستانداعى تەمىرجولدار بويىندا قورشاۋ ورناتىلادى

استانا. قازاقپارات - كولىكتەگى پوليتسيا مەن تاسىمالداۋشى كومپانيا جەلىلىك بولىمشەلەرىنىڭ باسشىلارى تەمىرجولدار بويىنداعى وقىس وقيعالاردى ازايتۋ امالدارىن قاراستىرىپ جاتىر، دەپ حابارلايدى قازاقپارات «قازاقستان تەمىر جولى» ۇ ك» ا ق باسپا ءسوز قىزمەتىنە سىلتەمە جاساپ.

كەڭەستە اتالىپ وتكەندەي، تەمىرجولدار بويىنداعى وقىس وقيعالار الماتى، شىمكەنت، اقمولا جانە قىزىلوردا جول بولىمشەلەرىنىڭ ايماقتارىندا كوپ تىركەلگەن. نەگىزگى سەبەپ - ادامداردىڭ ابايسىزدىعى جانە قاۋىپتىلىگى جوعارى ايماقتا ەرەجەلەردىڭ ساقتالماۋى.

ق ت ج-داعى ماگيسترال وبەكتىلەرىندە تۇراقتى نەگىزدە ۇيىمداستىرۋ- تەحنيكالىق ءىس-شارالارى جۇرگىزىلىپ كەلەدى. ادامداردىڭ جولعا رۇقساتسىز شىعۋىنا توسقاۋىل قويۋ ءۇشىن ستانتسيالاردا شامامەن 300 ك م قورشاۋ ورناتىلعان. ءبىلىم بەرۋ مەكەمەلەرىندە ءتۇسىندىرۋ- پروفيلاكتيكالىق جۇمىستارعا كوپ كوڭىل بولىنەدى. ءتارتىپ ساقشىلارىمەن بىرلەسكەن رەيدتەر جۇرگىزىلەدى.

2024 -جىلدىڭ سوڭىنا دەيىن استانا - اقتوبە، استانا - اتىراۋ، استانا - زاشيتا، الماتى - ماڭعىشلاق، الماتى - جەزقازعان، استانا - ورال ۋچاسكەلەرىندەگى تەمىرجولدار بويىندا 100 شاقىرىمنان استام قورشاۋ ورناتۋ جوسپارلانىپ وتىر. سونداي-اق، جاڭاارقا (قاراعاندى وبلىسى)، جىڭىشكە (اقتوبە وبلىسى)، دوستىق (الماتى وبلىسى) ستانسيالارىندا جەرۇستى جاياۋ جۇرگىنشىلەر وتكەلدەرىن سالۋ كوزدەلگەن.