11:38, 15 - اقپان 2023 | GMT +5
تۇركيادا امان قالعان اكەسى مەن قىزىنىڭ كەزدەسۋى جۇرتتى جىلاتتى - ۆيدەو
استانا. قازاقپارات – تۇركياداعى جەر سىلكىنىسىنەن كەيىن كەزدەسكەن اكەسى مەن قىزىنىڭ جانتەبىرەنتەرلىك ۆيدەوسى تارادى.
ۆيدەو TGRT HABER تەلەارناسىنىڭ Instagram-پاراقشاسىندا جاريالاندى.
«جەر سىلكىنىسىنەن كەيىن اكەسى مەن قىزىنىڭ جانتەبىرەنتەرلىك كەزدەسۋى»، - دەلىنگەن جازبادا.
تەلەارنا مالىمەتىنشە، اكەسى مەن قىزى جەر سىلكىنىسىنەن كەيىن حاتاي وبلىسىنداعى انتاكيا اۋدانىندا ءبىر-ءبىرىن جوعالتىپ العان. اكەسى قىزىن كورىپ، قاتتى قۋانىپ، قۇشاعىنا باسىپ، قۇتقارۋشىلار مەن بيلىككە العىس ايتقان.
«ءبىر-ءبىرىن تاپقانىنا قۇدايعا شۇكىر»، «كوز جاسىمدى تيا المادىم»، «بالامەن سىنالمايىق، اتا-انامىز امان بولسىن»، «بارلىق ادام وسىلاي ءبىر-ءبىرىن تاپقاننان كوزىنە جاس السا ەكەن دەيمىن»، - دەيدى جەلى قولدانۋشىلارى.
