ۇلتى قازاق قىتاي ازاماتتارىنىڭ ەركىن ساپارلاۋىنا جاعداي جاساۋ قاجەت - ەلشى
كەزدەسۋ بارىسىندا تاراپتار ۇلتارالىق جانە كونفەسسياارالىق كەلىسىمدى دامىتۋ جانە نىعايتۋ سالاسىنداعى ەكى ەلدىڭ مەملەكەتتىك ساياساتىمەن ءوزارا تانىستىرىپ، قازاقستان مەن قىتايدىڭ بەيىندى ۆەدومستۆولارى اراسىنداعى ىنتىماقتاستىقتى تەرەڭدەتۋ ماسەلەلەرىن تالقىلادى.
ش. نۇرىشەۆ سۇحباتتاسۋشىنى «ادىلەتتى قازاقستاندى» قۇرۋعا باعىتتالعان ەلىمىزدە بولىپ جاتقان ساياسي رەفورمالار تۋرالى ەگجەي-تەگجەيلى اقپاراتتاندىردى. قازاقستاندىق ديپلومات ۇلتارالىق قاتىناستاردى دامىتۋ جونىندەگى مەملەكەتتىك ساياساتتىڭ اعىمداعى جاعدايى مەن دامۋ پەرسپەكتيۆالارى، سونداي-اق قازاقستان حالقى اسسامبلەياسىنىڭ قىزمەتى تۋرالى ايتىپ بەردى.
ەلشى ەكى ەل اراسىندا ۇلتى قازاق ق ح ر ازاماتتارىنىڭ ەركىن ساپارلارىنا قولايلى جاعدايلار جاساۋ، مادەني- گۋمانيتارلىق الماسۋلاردى قالپىنا كەلتىرۋ قاجەتتىگىنە ەرەكشە نازار اۋداردى. ول قازاقستاندىق تاراپتىڭ قانداستارعا ق ر جوعارى وقۋ ورىندارىندا وقۋ ءۇشىن ستيپەنديالار بولۋگە، ءتۇرلى فەستيۆالدار، مادەنيەت كۇندەرى جانە ەكى ەلدىڭ ارتىستەرى مەن ۇلتتىق شىعارماشىلىق ۇجىمدارىنىڭ گاسترولدەرىن ۇيىمداستىرۋعا دايىندىعىن اتاپ ءوتتى.
ءوز تاراپىنان پان يۋە قازاقستاندا جۇرگىزىلىپ جاتقان ساياسي وزگەرىستەرگە، ەلىمىزدىڭ تەڭدەستىرىلگەن سىرتقى ساياساتىنا، ىشكى ساياسي تۇراقتىلىقتى قامتاماسىز ەتۋ شارالارىنا، سونداي-اق قازاقستان- قىتاي ىنتىماقتاستىعىنىڭ قازىرگى دەڭگەيىنە جوعارى باعا بەردى. ول قازاقستاندىق تاراپتىڭ ۇسىنىستارىن قولداپ، ولار بويىنشا بەلسەندى ءوزارا ىقپالداسۋعا ءازىر ەكەندىگىن ءبىلدىردى.
كەزدەسۋدىڭ قورىتىندىسى بويىنشا پاندەميا كەزىندە شەكارانىڭ ەكى جاعىندا قالعان وتباسىلاردىڭ بىرىگۋىنە جاردەمدەسۋگە، ەكى ەل اراسىنداعى ماڭگى جان-جاقتى ستراتەگيالىق ارىپتەستىك قاتىناستارىن نىعايتۋ ماقساتىندا ساۋدا- ەكونوميكالىق جانە مادەني- گۋمانيتارلىق سالالاردا «دوستىق پەن ىنتىماقتاستىقتىڭ التىن كوپىرى» رەتىندە قانداستاردىڭ الەۋەتىن كەڭىنەن تارتۋعا، قول جەتكىزىلگەن ۋاعدالاستىقتاردى ءىس جۇزىندە ىسكە اسىرۋ ءۇشىن بەيىندى ۆەدومستۆولار اراسىندا تىكەلەي بايلانىستار ورناتۋعا كەلىستى.
اۆتور: باقىتجول كاكەش
