جەمىستەر ميدىڭ قارتايۋىن تەجەيدى
جۇمىس اۆتورلارى - باربارا شۋكيتت-حەيل مەن مارشالل ميللەر ءومىر جاسىنىڭ ۇزاقتىعى پاسيەنتتەردىڭ السگەيمەر سىرقاتىمەن بايلانىستى، بۇل ءوز كەزەگىندە دەنساۋلىق ساقتاۋ مينيسترلىگىنىڭ اۋىر سىرقاتتاردى جانە باسقا دا كارىلىك اۋرلارىن ەمدەۋگە قاراجاتتى ارتتىرۋىنا اكەپ سوعادى. ولاردىڭ ايتۋىنشا، جەمىستەردى كۇندەلىكتى تۇتىنۋ ميدىڭ قارتايۋىن تەجەۋگە كومەكتەسەدى. ماماندار مۇنداي پىكرگە جەمىستەر قۇرىلىمىن جاسۋشالىق دەڭگەيدە تالداۋ، سونداي-اق ادامدار مەن جانۋارلارعا جاسالعان تاجىريبە ناتيجەسىندە كەلىپ وتىر.
جەمىستەردى پايدالانۋ مي جاسۋشىلارىنىڭ سىرقاتقا شالدىقپاۋىنا جاردەمدەسەدى. ويتكەنى جەمىستەردە انتيوكسيدانتتار دەڭگەيى جوعارى، ولار جاساۋشالاردى زاقىمدانۋدان ساقتايدى. سونىمەن قاتار جەمىستەردە باس ميى جاسۋشالارىنىڭ ءوزارا ارەكەتتەسۋىن وزگەرتەتىن زاتتار بار. ال بۇل باس ميى قابىنۋىنىڭ، سونىڭ اسەرىنەن نەيرونداردىڭ زاقىمدانۋىنىڭ الدىن الادى جانە ەگدە جاستاعى ادامداردىڭ وزدەرىن سەرگەك ۇستاۋىن جاقسارتادى.
